Albistea entzun

Bruselak beste bi arau-hauste prozedura hasi ditu Erresuma Batuaren kontra

Ander Perez Zala -

2022ko ekainak 16

Europako Batzordeak berehala erantzun dio Erresuma Batuko Gobernuari Ipar Irlandarako Protokoloaren aferan. Londresek itun hori alde bakarrez urratzeko lege proiektua aurkeztu eta bi egunera, Maros Sefcovic Europako Batzordeko presidenteordeak atzo azaldu zuen beste bi arau-hauste prozedura abiatu dituztela Erresuma Batuaren kontra, eta iaz hasitakoa berriz aktibatu dutela.

Brusela harago ere joan da, eta, Sefcovicek jakinarazi zuenez, bi hilabeteko epea eman diote Boris Johnson Erresuma Batuko lehen ministroari atzera egiteko. Hori egin ezean, EB Europako Batasuneko Justizia Auzitegira joko dute, eta baliteke hark isun ekonomikoak ezartzea Londresen aurka. Erresuma Batuko Gobernuak ohar baten bidez erantzun zuen, eta «etsigarritzat» jo zuen Europako Batzordeak bere aurkako lege neurriak hartu izana.

Liz Truss Erresuma Batuko Atzerri ministroak iragan astelehenean erregistratu eta aurkeztutako lege proiektuak esportazioetan planteatzen du aldaketarik handiena. Proposatutakoaren arabera, Britainia Handitik Ipar Irlandara esportatzean, enpresek aukera edukiko lukete Erresuma Batuko eta EBko arautegien artean hautatzeko. Erreformak planteatzen du, gainera, EBko Justizia Auzitegiari begirale rola kentzea Ipar Irlandako barne merkatuaren funtzionamenduan.

Barne 'muga'

Protokoloan, bi aldeek adostu zuten Ipar Irlandak merkatu bakarrean jarraituko zuela ondasunei dagokienez, eta EBren aduana legeak errespetatuko zituela bere portuetan; horrek, praktikan, esan nahi du Irlandako itsasoan, Britainia Handiaren eta Ipar Irlandaren artean, kontrolak jartzea.

Protokoloak Ipar Irlandako unionisten haserrea eragin du, argudiatzen baitute muga bat sortu duela Britainia Handiaren eta Ipar Irlandaren artean, eta, hortaz, zalantzan jartzen dituela herrialdearen lurraldetasuna eta etorkizuna.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Esteron ibaiaren ibarreko tarte lehortu bat, Niza hiritik gertu (Okzitania), uztailaren amaieran. ©SEBASTIEN NOGIER / EFE

Europan azken bostehun urteetako lehorterik handiena espero dute

Gorka Berasategi Otamendi

Kontinentearen erdialdeko eta mendebaldeko estatuak ezohiko bero boladak eta lehorteak ari dira pairatzen, klima larrialdiagatik. Suteek berotegi gas asko isuri dute zenbait herrialdetan

Salman Rushdie idazlea, 2019ko azaroaren 11n, Berlinen. ©HAYOUNG JEON / EFE
Monusco Nazio Batuen Kongoko Errepublika Demokratikorako misioaren kontrako protestetan hildako herritar baten hileta, aurreko astean. ©STR / EFE

Odolak mendekua nahi du

Oskar Epelde Juldain

Egunotan dozenaka lagun hil dira NBEren Kongorako misioaren kontrako protestetan. Milizianoen erasoen aurrean ezer ez egitea egozten diete kasko urdinei.

FBIko bi agente Donald Trumpen Mar-a-Lago etxearen atarian (Palm Beach, Florida), joan den asteartean. ©CRISTOBAL HERRERA-ULAXKEVITX, EFE

FBIk sekretupeko dokumentuak eraman ditu Trumpen Mar-a-Lago etxetik

Gorka Berasategi Otamendi

AEBetako presidente ohia ikerketapean dago, ustez espioitza legea urratzeagatik. Floridako etxean atzeman dioten dokumentazioaren edukia defentsa arloko gaiekin lotuta dago, besteak beste.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...