DARWIN ETA GU

Mesetaz bestaldeko koloniak

Espainiako erregea eta erregina, atzo, Bilbon.
Espainiako erregea eta erregina, atzo, Bilbon. MARISOL RAMIREZ / FOKU Tamaina handiagoan ikusi

Jose Mari Pastor -

2020ko uztailak 18

Euskal Herria eta Katalunia koloniak direla gogorarazi digu Per Nyholm kazetari daniarrak, Cuba, la soledat que no s'acaba liburu argitaratu berrian. Lana Karibeko uhartera egindako bisitan oinarrituta dago. Testua kritikoa da AEBek eta EBk Kubari buruz duten jarrerarekin, baina are kritikoagoa dugu kolonia espainiar ohiko sistema politikoarekiko.

Nyholm sozialdemokrazian kokatu beharko genuke. Jyllandsposten egunkariaren berriemailea izan zen Londresen, Thatcherren agintaldian. Gero, Balkanetara joan zen hango gerraren berri emateko. Errusian eta Ukrainan ere jardun du. Egun Vienan bizi da.

Liburuaren epilogoan Kataluniari buruz eta, neurri txikiago batean, Euskal Herriari buruz idatzi du kazetariak. Haren ustez, bi herriak koloniak dira, baina Gaztelatik hain hurbil egoteak horretaz jabetzea eragozten digu. Metropolitik urrunago egongo bagina, askoz argiago ulertuko genuke kontua. Antzera mintzatu zitzaidan Christian Karembeu Euskaldunon Egunkaria-rentzat eginiko elkarrizketa batean. Futbolariak esan zuenez, Euskal Herria milaka kilometrora egongo balitz, Kaledonia Berria legez, ez genuke arazorik izango kolonia garela konturatzeko. Karembeuren sorterrian urrian egingo dute erreferenduma. Eta hemen?

Kazetari daniarrak dioenez, urtero katalan independentisten portzentajea soilik %1 igoko balitz, 10-15 urteren bueltan masa kritiko esanguratsua osatuko lukete burujabetzaren aldekoek. Zer gertatuko litzateke? Espainiak bereari eutsiko balio, tentsioa areagotu egingo litzateke, baina Europak ez luke ezer egingo istilu larriak izan arte. «Bruselak ez du eskurik sartuko soilik manifestazio baketsuak eginda. Errepideak moztuta, argindarra moztuta. Halakoak, eta ez soilik 200.000 lagun Gran Vian», agertu du elkarrizketa batean.

Nola gaude Euskal Herrian? Ba al dugu masa kritikorik? Eusko Legebiltzarra gero eta abertzaleagoa da. Hala ere, planteamenduei dagokienez, gero eta moderatuagoa dela idatzi dute prentsa unionistan, eta ez dabiltza oso oker.

Beste alde batetik, Idoia Mendiak argi utzi du sozialistek ez dutela denborarik galduko identitate-eztabaidetan. Ez dute zertan. Arlo horretan geuk inbertitu behar dugu denbora. Edo galdu, trabatu eta aurrerantz egiten ez dugulako. Espainiarrek hain barneratua eta normaldua dute haien identitatea, non ez baitute pentsatu ere egiten nazionalistak direnik. Michael Billig psikologo sozial britainiarrak aipatzen duen banal nationalism delakoak elikatzen ditu. Nazionalismo ikusezin hori arnasten dute, dela Cervantes goresteko, dela Iniestak duela hamar urte sartutako gola berriz ospatzeko. Identitatea ekintza, gertakari edo ospakizun horiei lotuta eraikitzen dute egunero, ohartu gabe.

Bozen emaitzak jakin ostean euskararen inposizioa ez duela onartuko esan zuen Amaia Martínezek, Voxeko politikariak. Hitz horiek Idoia Mendiaren ahotik ere irten zitezkeen. Bai, sozialistek ez dute EITB edo Euskaltzaindia suntsitzeko proposamen probokatzailerik egiten. Abilagoak dira: badakite diskurtsoa ondo neurtzen eta moldatzen. Baina euskararen kontuan, funtsean, bat datoz faxista espainiarrekin: euskara ez da inposatu behar; euskara borondatez ikasi behar da. Espainiera, aldiz, derrigortasunean. Eta kito. Halakoxeak ditugu PSE-EEkoak eta horretan jardungo dute datozen lau urteotan, EAJren makulu gisa: euskal eraikuntza nazionala oztopatzen eta errealitate nazional espainiar ustez ez identitarioa sendotzen.

Espainiako errege-erreginek mesetaz bestaldeko koloniak bisitatu zituzten atzo. Katalunian egotekoak ziren, baina bidaia atzeratu behar izan zuten, boikot eta liskarren beldur. Bartzelonara aldez aurretik abisatu barik joango ei dira. La Vanguardia egunkariaren zuzendari ohi José Antichek hala azaldu du Elnacional.cat hedabide digitalean: duela urte batzuk esan baligute Espainiako errege-erreginak gaur Euskal Herrian Katalunian baino lasaiago ibiliko liratekeela, ez genukeen sinetsiko. Bada, sinetsi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Proben %9,6 positiboak izan dira azken zenbaketetan

Proben %9,6 positiboak izan dira azken zenbaketetan

Arantxa Iraola

Eusko Jaurlaritzak eta Nafarroako Gobernuak kutsatutako 1.709  pertsona gehiagoren berri eman dute

Pedro Sanchez Espainiako gobernuburua, atzo eginiko agerraldian. ©BORJA PUIG DE LA BELLACASA / EFE

Alarma egoera ezartzea erabakiko du Espainiako Gobernuak bihar

Edu Lartzanguren

Ministroen Kontseilu berezia egingo dute bihar dekretua sinatzeko, Madrilgo Gobernuko iturrien arabera.

Ezinbesteko arrazoiengatik ez bada, ezin da Nafarroatik irten edo hara sartu. Irudian, foruzainen kontrola, atzo, Beran. ©JAGOBA MANTEROLA / FOKU

Erkidegoen menpeko alarma egoera eskatu dute Urkulluk eta Txibitek

Joxerra Senar

Jaurlaritzaren arabera, Auzitegi Nagusiaren azken erabakiak agerian utzi du neurriak hartzeko muga juridikoak dituztela. Espainiako Gobernuak etzi aztertuko du eskaria erkidegoetako presidenteekin

Metroko lanak Zubieta kalean, geldirik. Ekainaren 5ean zulo bat sortu zen soto batean. ©JON URBE / FOKU

Donostiako metroko obren atal korapilatsu bat 

Lander Muñagorri Garmendia

Lanak geldirik daude Kontxako zatian. Egitasmo gorabeheratsua eta eztabaidatua izan da hasieratik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna