DARWIN ETA GU

Erizain gaiztoak

Jose Mari Pastor -

2020ko uztailak 11

Goierritik datorren trenean nerabe bat dago, maskara kirurgiko urdina eskuetan, hura tolestu eta tolestu jolasean. Ozen mintzatzen ari da lagunekin, gandorra aterata. «Zergatik ez duzu maskara janzten?», esan dio gizon batek, kanpotar doinua nabari. «Ezin dut, ito egiten naiz». Eta burumakur segitu du Donostiaraino, isilik. 16 urteko machito bat maskara kirurgiko fin ziztrin batekin ito? Ez dakit, bada...

Birusaren kontrako neurriei buruzko eztabaida areagotu du Ordiziako agerraldiak. Batez ere, maskararen erabilera dela eta. Arau horiek gu kontrolatu eta mendean hartzeko tresnak omen dira. Adin jakin bat dutenei zuzendutako galdera: nolakoa zen mundua duela 30 edo 40 urte? Nolakoak ziren orduko boterearen egiturak, indar-korrelazioa, giza harremanak, balizko alternatibak gauzatzeko aukerak? Nolakoa da egungo mundua?

Birusa hemen genuen Txina urrunean pangolin delako horrek motxila hartu eta tipi-tapa Donejakue bideari ekin aurretik. Askoz lehenagotik. Erraietaraino sartu ziguten eta erraietan dugu: indibidualismo egoistaren birusa, konformismo koldarraren birusa, kontsumismo itsuaren birusa. Birus horiek kolpatu eta moldatu gaituzte azken hamarkadotan. Akaso uste dugu botereak jadanik COVID-19aren beharra duela gu mendean hartzeko? Benetan?

Lan eta ekoizpen arloan ez ezik, aisialdian ere makurrarazi gaituzte. Begiratu nola gabiltzan kalean, autobusean, metroan, burua telefonotik altxatu ezinik. Eta orain koronabirusaren bidez geure erlazio eta komunikazio super sakonak suntsitu nahi dizkigute (kar, kar, kar). Zuckerberg jendarme unibertsalari geure poz eta miseriak oparitu dizkiogu, 2.500 milioi laguneko talde baten kideak izateko. Hark badaki zer joera hedatu eta mezu hori nori, nora, nola eta noiz zuzendu. Ez du polizia trajerik janzten, kamiseta xume bat baino. Trenean maskara jartzeko eskatzen digun etorkina da polizia, bera da zapaltzaile bakarra. Horixe.

Maskararik ez, Ni ez zapaldu gero! dira herritar batzuen leloak. Gipuzkoako erizainek arduraz jokatzeko eta maskara erabiltzeko esan digute aste honetan. Hara! Erizainak ere zapaltzaileak ditugu, mundua kontrolatu egin nahi dute. Zeinen gaiztoak diren. Hiru hilabetean txalo egin diegu eta begira nola ordaintzen diguten geure heroiek. Ezkutuko botere horren peoiak ziren, eta gu jakin gabe. Baina maskara erori zaie, guri maskarak janzteko eskatu digutenean.

Bai, gehiegikeria batzuk egin dira eta egiten ari dira krisiaz baliatuta, ezin ukatu. Alta, hortik mundu mailako konspirazioa dela pentsatzeraino... Konspirazioa, izatekotan, bestea izan zen, guk hain modu gozoan irentsi genuena. Orain burua altxatzen dugu, errebelde plantan. Eta duda egiten dut kasketa moduko matxinada horrek ez ote duen eskuindar libertario puntu bat, hainbeste gorrotatzen ditugun estatubatuar zuri faxista horien jarreratik oso urrun ez dagoena.

Koronabirusa. Hurrengoan, kontratu umiliagarri bat sinatzen dugunean ezer ere esatera ausartu gabe, kanporatuko gaituzten beldur; auto dirdiratsuago bat erosten laguntzeko aparteko orduak beltzean ordaintzea onartzen dugunean; protesta egin duen lankide baten alde egiten ez dugunean, arrazoi duela jakin arren; beste bat barne promozioan argi eta garbi nagusitzen zaigunean, eta isilean epaimahaira jotzen dugunean geure planak zapuztu dituen garaile zuzenaren kontrako jokaldi zikina egiteko asmoz... Hurrengoan, geure nagusiari zapataren zola miazkatzen diogunean —beste gauza bat ez esateagatik—, badakigu: COVID-19ari bota ahal diogu horren guztiaren errua.

Oso artzain onak omen gara euskaldunok. Oso ardi onak ere bai, batzuetan, baina badirudi beste artaldeetako abereak baino ez ditugula ikusten. Arazoa izan daiteke artalde batean egotea, baina bada zerbait larriagorik: artalde batean egotea —edo batean baino gehiagotan, kontuz!— eta horretaz ez konturatzea. Eta horregatik munduko pertsona jator, libre, alternatibo, apurtzaile eta iraultzaileenak garela sinestea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Ertzaintzaren kontrol bat, joan den maiatzean./ ©Gorka Rubio, Foku

Senideak bisitatzeko mugak: neurriak, Ertzaintzaren arabera

Garikoitz Goikoetxea

Eusko Jaurlaritzaren dekretua interpretatzeko irizpideak eman ditu Ertzaintzaren zuzendaritzak; besteak beste, ezarri du erosketak udalerrian edo albokoan egin behar direla, eta ezinezkoa denean soilik joan daitekeela beste herri batera. Senideak bisitatzeari dagokionez, ohartarazi dute «laguntza eta zaintza lanetarako» soilik dagoela onartua, ez besterik gabe bisitan joatea.

 ©Gorka Rubio / Foku

AHTa ez da 2024rako amaituta egongo, Jaurlaritzaren ustez

Lander Muñagorri Garmendia

Iñaki Arriola Garraio sailburuak esan du legegintzaldi honetako helburua Gipuzkoako zatia amaitzea dela, eta hiriburuetako sarbideak bideratzea.

Ordizian, PCR probak egiten, urriaren 21ean. ©Gorka Rubio / Foku

Hego Euskal Herrrian 1.621 positibo detektatu dira

Joxerra Senar

Egun bakarrean orain arteko proba gehien egin dute Osakidetzak eta Osasunbideak: 19.560 PCR eta antigeno test, guztira. %8,3k eman dute positibo
 

Baionako ospitaleko zuzendaritzaren prentsaurrekoa. ©BERRIA

Ipar Euskal Herria «oso hunkitua» dela adierazi du Baionako ospitaleko zuzendaritzak

Oihana Teyseyre Koskarat

Erietxean ohe gehiago jarri dituzte suspertze zerbitzuan, larrialdiari aurre egiteko Plan Zuriari jarraikiz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna