Albistea entzun

Urmuga. IRITZIA

Gelditu

Itxaro Borda - Idazlea

2021eko abuztuak 1

Philippe Jaccottet frantses poeta ospetsuak «edozein atzerri aberri bilakatzen ahal dela» esaten zuen, eta arrazoia du, batez ere mendian ibiltzean, mugak desagertzean direlakoan. Zedarriak edo mugarriak zehazten ditugu baina, askotan, xendrek zentrotik at, zentrotik kanpo jardutera behartzen gaituzte. Neguarekin, euriekin, hotzarekin, larrazkenean laburtzen doazen egunekin, halako prekarietate bat dasta dezakegu, dezentratzea lortzen dugularik bederen. Oinez ibiltzea, erran dugu jadanik, idatz-esperientzia ezinbestekoa da, mundua mundu egiten duen edertasun horren egiatasunetik hurbil gabiltzalako: sentimendu propioak bistan dena, baina ere zuhaitzak, goiztiriak, arrastiriak, eguerdiko eguzkien ziztak, guztiak hor dira, une bateko arroztasuna kitzikatzeko. Eta idazteko tirria bulkatzeko.

Zeharkatu dugun paisaia ez dugu sekula ahanzten. Ibilbideak halako mozkor sentsazioa bat sortzen du gugan: itzalak argitasun geruzekin jostatzen dira, ibaiak kantari dabiltza ezker aldetik eta urrats galduek gure baitako baratza sekretuetako ateetan uzten gaituzte. Mendietako bideak, baita hirietako espaloiak ere, idaztera eraman gaitzake. Ongi badakigu, amesten duguna gara, handienean eta txikienean, ibilian edo geldoan, ikusten dugunean edo begiak zerraturik leku itsuetan kontrabando mistikoan ernatzen garenean... kontrabando mistikoaren kontzeptuak zer erran nahi duen zuzen ez dakigun arren.

Urmuga proiektuaren bigarren edizio honetan parte hartu duten mendizale lagunak jaitsi dira Izabara. Baina nomadak gara, nahiz eta gehienetan sedentarioak izan. Buru-muinaren meandroek geldotasunaren karta marrazten dute, nehoiz ez gaitezen toki erreal edo asmatu murritzetan bizi.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

 ©NAZANIN ZAFARNIA

«Euskaraz gero eta gehiago saiatzen naiz»

Urtzi Urkizu

Itziar Ituñoren zalea da Zafarnia, eta horrek euskara bere kabuz ikastera eraman du, Teheranen. Aktorearen zaleen kontu bat kudeatzen du Instagramen. «Lagun zoragarriak egin ditut horri esker».
«Oso egoera larrian dago aingira europarra»

«Oso egoera larrian dago aingira europarra»

Jakes Goikoetxea

Angulak eta aingirak badaude Euskal Herrian, baina ez dira ezagutzen haien historia, bizimodua eta egoera. Estibaliz Diaz aingira hobeto ezagutzeko eta babesteko lanetan ari da.
Euspot lehiaketaren edizio berria asteazkenean aurkeztu zuten, Gasteizen. ©EUSPOT

Euspot lehiaketan kooperatibei buruzko lanak egin beharko dituzte

Urtzi Urkizu

Maiatzaren 19ra arte aurkeztu ahalko dira iragarkiak. Saritan 3.000 euro banatuko dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.