Altsasuko auziko gazte denak gerturatu eta askatzeko eskatu dute

Erredakzioa -

2018ko abuztuak 25

Zaballako espetxean dira jada Jon Ander Cob eta Julen Goikoetxea Altsasuko auzian zigortutako zortzi gazteetako bi. Astebete inguru berririk gabe egon ostean, senideek atzo eguerdian jaso zuten haien deia Arabako espetxetik; gurasoek jakinarazi dute biak elkarrekin daudela, eta preso dauden gainerako auzipetuekin aurki batzeko esperantza dutela. Albiste agentziek zabaldu dutenez, Cob eta Goikoetxea asteazkenean atera zituzten Madrilgo kartzelatik, eta atzo goizean iritsi ziren Zaballakora. Madril V espetxean (Soto de Real, Espainia) egon dira, zigorra bete zezaten ekainaren 5ean atxilotu zituztenenetik.

Behin-behinean preso jarraitzen dute zortzi auzipetutako zazpi, epai irmoaren zain. Haiei bederatzi eta hamahiru arteko espetxe zigorrak eta besteari bikoa jarri zien Espainiako Auzitegi Nazionalak. 2016ko urriaren 15eko goizaldean, Altsasuko taberna batean kaleko jantzita zeuden guardia zibil batzuekin eta haien bikotekideekin izandako liskar batengatik zigortu zituzten.

Senideak informatu gabe

Ostiralero legez, elkarretaratzea egin zuten atzo Altsasun. Senideek balorazio baikorra egin dute bi gazteak euren bizilekuetatik gertuko kartzela batera ekarri izanagatik, baina nabarmendu dute euren nahia dela auziagatik espetxeratutako denak Euskal Herriratzea eta aske geratzea. Vocento taldeko egunkarietan zabaldu dutenez, datorren astean Madril V espetxetik Zaballakora lekualdatuko dute Aratz Urrizola, baina, senideek azaldu dutenez, haiek ez dute horren eta bestelako lekualdatze gehiagoren berririk jaso. Espetxe horretan dago Iñaki Abad ere; hara eraman zituzten ekainean atxilotutako laurak.

Euskadi Irratiak, berriz, Adur Ramirez de Alda Iruñeko kartzelara ekarriko dutela zabaldu du. 2016ko azaroaz geroztik dago preso, Oihan Arnanz eta Jokin Unamuno bezala. Madrilgo beste hiru espetxetan daude, elkarrengandik banatuta, eta ekainera arte FIES erregimenean egon ziren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna