ANALISIA

Etxegarairen bi aldeak

Ekhi Erremundegi Beloki -

2020ko irailak 23

Txaloak jaso zituen Jean Rene Etxegarai Euskal Elkargoko lehendakariak joan den larunbatean. Bakegileek deitutako desobedientzia ekintzan parte hartu zuen, euskal presoek pairatzen dituzten salbuespen neurrien kontra zorrotz mintzatuz. «[Emmanuel Macroni] erran nahi diot nolako injustizia bizi dugun, 30 urteko kartzela zigorra bete ondoren hiru presori haien baldintzapeko askatasuna ukatzen zaielarik», salatu zuen Jon Kepa Parot, Frederic Haranburu Xistor eta Jakes Esnalen kasuei erreferentzia eginez. «Euskal presoentzat heriotza zigorra berrezarri du Frantziak. Eta hori erabat onartezina iruditzen zait». Ez da ohikoa Etxegarairen mailako politikari bat adreilu bat eskuan hartu eta Baionako suprefetura aitzinean pareta bat eraikitzen ikustea. Eta hala azpimarratu zuen batek baino gehiagok. Anitz izan ziren sare sozialetan eremu abertzaletik Euskal Elkargoko lehendakariak jaso zituen eskertza eta babes mezuak, EAEko eta Nafarroako lehendakariek gatazkaren konponbidean hartzen duten jarrerarekin alderatzen zutela. Larunbatean, erreferentzia bat zen Etxegarai.

Bezperan, ikasturte hasierako prentsaurrekoa eman zuen Jean Rene Etxegarai Baionako auzapezak. Azpimarratu zuen segurtasun arazo bat badela Lapurdiko hiriburuan, bereziki Baiona Txikia auzoan, eta, beraz, polizia munizipal gehiago ezartzea erabaki duela. Halaber, jakinarazi zuen Gerald Darmanin Frantziako Barne ministroari eskatu ziola polizia munizipalak dituen baliabide juridikoak emendatzeko, besteak beste, atxiloketak egiteko aukera izan dezaten. Eta segurtasun kamera gehiago ere hitzeman zuen: «Behar bezainbat ezarriko ditugu». Bidaiako jendeen «arazoa» ere aipatu zuen, nahiz eta onartu hiriak ez duela legea betetzen. Eta etxegabeen kontrako neurriak hartu zituen, «herriko bakearen, segurtasunaren eta ordena publikoaren kontrako elkarretaratzeak murrizteko». Ostiralean, kexa eta arrangura eragin zituen Etxegaraik hainbat gizarte taldetan.

Horiek dira Etxegarairen bi aldeak. Lehenari begiratu zioten zenbait abertzalek herriko bozetan bere parioa egin, eta Euskal Elkargoko lehendakari gisa bere alde egiterakoan. Baina lehen hori goratzeak ez luke itsutu beharko bigarrena ez ikusteraino.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzaintzaren autoak Donostian, atzo. ©Gorka Rubio / Foku

Ertzaintzak Donostiako Alde Zaharra hartu du berriz

Berria

Segurtasun Sailaren arabera, botilak jaurti dizkiete agenteei. Auzoko Gazte Asanbladak, ordea, ukatu egin du istilurik egon izana. Hamar lagun identifikatu dituzte. Pasaian, berriz, gazte bat atxilotu dute.

PCR proba bat joan den urtarrilaren 8an, Zaldibarren (Biziaia). ©JAIZKI FONTANEDA / FOKU

Ospitaleratutakoen kopuruak gora egin du berriro ere azken orduetan

Gotzon Hermosilla

Positibo kopurua apur bat apaldu den arren, 1.400 kutsatuen langatik gora jarraitzen du. Osasun agintariek zazpi heriotzaren berri eman dute

Peon, Oiarbide, Otondo eta Salaberria, atzo Donostian egindako mahai inguruan. ©GORKA RUBIO / FOKU

Arnasguneek arnasa hartzen segi dezaten

Irati Urdalleta Lete

Politika publikoek arnasguneetan nolako eragina duten aztertu dute 'Arnasguneetan oinarritutako hizkuntza politikak' mahai inguruan. Orain arteko lorpenak goraipatzearekin batera, etorkizunerako erronkak ere zehaztu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna