Hamar urteko zigorra Bialiatski Nobel saridunari

Minskeko auzitegi batek hamar urteko kartzela zigorra ezarri dio Ales Bialiatskiri, Bielorrusiako giza eskubideen defendatzaile ezagun eta 2022ko Bakearen Nobel saridunari, Viasna GKE gobernuz kanpoko erakundeak atzo jakinarazi zuenez. Bialiatski eta beste hiru ekintzaile zigortu ditu Marina Zapasnik epaileak, talde antolatu bateko kide izatea, kontrabandoan aritzea, eta ordena publikoaren aurkako eraso larriak egiten dituzten ekintza kolektiboak finantzatzea egotzita.