Errusiako armadak Ukrainako Dnipro hiriko klinika bat bonbardatu zuen herenegun gauean, eta, eraso horretan, gutxienez bi lagun hil eta 23 zauritu zituen. Volodimir Zelenski presidentearentzat, gertaturikoa «gizateriaren kontrako krimen bat» izan da, atzo sare sozialetan jarritako mezu batean idatzi zuenez.
Errusiako Defentsa Ministerioak, berriz, atzo esan zuen Ukrainako armadaren arma biltegi bati eraso egin ziola, eta, orain arte bezala, ukatu egin zuen herrialdeko soldaduek gerra krimenak egin dituztela Ukrainan. Horren ondoren, Moskuk salatu zuen Ukrainako armadak bi misil bota zituela Errusia hegoaldean, baina horiek suntsitzea lortu zutela.
Errusiak bi lagun hil ditu Dnipro hiria bonbardatzean
Iruzkinak
Ez dago iruzkinik
Ordenatu