LARREPETIT

Berrogeita hiru

Eneko Gorri -

2015eko irailak 9

Iragan larunbatean, Basusarriko euskal dantza taldeak 43 urte bete zituen, herriko plaza mukuruz betez. Gehienetan hamarkada bukaerak ospatzen dira: 20, 50, 100... Baina Basusarrin betidanik gauzak desberdinki egiten dira. Horiek hola, albistea ez da urtemuga «bitxi» hori bete izana, baina horren inguruan antolatutako dinamika ezin ederragoa.

Hamabi hilabetez, belaunaldi guziak bildu dituzte eta berriz dantzan eman, ikusgarri baten prestatzeko aitzakiarekin. 4 urtetik 59 urtera, 120 herritar inguru plazan dantza ari izan dira. Ederra eta hunkigarria.

Errepika garaian harmailan jarririk, herritar horiek guziak zer bilakatu diren begiratzean, azken lau hamarkaden bilakaera egiteko aukera izan da. 1968an, 483 basusartar zenbatzen ziren, baina Baiona-Angelu-Miarritzerekin mugakide izanez, etxe-agentzien espekulazio goseak lo-hiri bilakatu zuen. 1990 eta 2004 artean, biztanleria bikoiztu zen: 1.056tik 2.316rat. Golf bat eta horren inguruan luxuzko auzoak eraiki ziren. Baionara lanera joan, eta Basusarrira lo egitera sartu. Herriko bizia ahuldu da, euskararen erabilera ia desagertu, lurren prezioa itsuski goratu... Baina destino Goliathiar horren kontra borrokatu den David asko izan da Basusarrin. 1980ko hamarkadan sortutako lagunekin dantzan hasi ginelarik, inguruetako ikastoletan euskaraz eskolatutako lehen belaunaldia ginen. Gu aitzin, euskara ematen zuen gazte gutxi zegoen. Baina euskaraz desjabetutako belaunaldia berriz hurbildu da euskarara. Dantzarien artean, ikastolako guraso bilakatu direnak bazeuden, gau eskolari esker euskaldundu diren ausartak ere, sare elebiduneko haurrak eta birjabetze hori beldurrik gabe ikusten duten amatxi-aitatxiak ere. Ikasturte honetan ikastola ere ireki dute. David askoren lanari esker, patua aldatzeko gaitasuna dugu.

Hemezortzi urte preso pasatu ondoren, David Gramont herritarrak herri desberdin bat deskubrituko du 2016an. Ez dugu irabazi, baina ez gara bidean galduak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan eta Gasteizko Sagartoki eta Oh Malbec jatetxeetan izan zirenei proba egiteko eskatu die Jaurlaritzak

Berria

Toki horietan izan zirenek beren osasun etxera edota osasun aholkularitzara deitu beharko dute ordua hartzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna