Albistea entzun

Nafarroan, iazko superabiteko 113 milioi inbertsio publikorako izango dira

Joxerra Senar -

2018ko irailak 21

Nafarroako Gobernuak iaz 215 milioi euroko superabit berezia izan zuen, eta orain exekutiboa babestu duten lau indarrek hitzartu dute diru horren erdia baino gehiago (113 milioi euro) inbertsio publikora zuzentzea. Gainerako dirua zorra amortizatzeko erabiliko dute.

Iragan urte amaieran PPren gobernuak eta Nafarroako exekutiboak 2015-2019 eperako ekarpenaren kalkulua hitzartu zuten, eta ondorioz Espainiako administrazioak 215 milioi euro itzuli behar izan zizkion Nafarroari, aurreko urteetan ekarpen bidez gehiegi ordaindu zuelako.

Egonkortasun legearen eta gastu arauaren ondorioz, diru hori osorik zorra ordaintzera bideratu behar zela ohartarazi zuen orduko Ogasun ministroak, Cristobal Montorok. Laukoa osatzen duten alderdiak zirrikitu bat bilatzen aritu dira, eta orain, PSOE Madrilen agintean dagoela, aukera baliatu nahi dute. Foru lege proposamena erregistratu zuten atzo Parlamentuan, berehalako prozedura erabilita. Irakurketa bakarreko tramitazioa izango da eta urriaren 4rako onartzea espero dute.

Lege proposamen horrek bi zati ditu. Batetik, 20 milioi euro Tokiko Inbertsio planean sartuko dira, eta udalek abenduaren 31 bitarteko epea izango dute inbertsio horiek esleitzeko. Bestetik, gainerako 93 milioi euroak beste departamenduetako inbertsioetarako erabiliko dira, batik bat Hezkuntzan eta Osasunean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Tubacexeko langileek protesta, Bilbon, gaur eguerdian. ©Tubacex Borrokan

Tubacex Borrokan: «Mahai gainean kaleratzerik ez dagoen arte jarraituko dugu»

Paulo Ostolaza

Gaur bi hilabete hasi zuten greba, eta manifestazioa egin dute Bilbon. Azpimarratu dute indarratu dutela enpresak egiten dizkien «mehatxuzko barne adierazpenei» aurre egin eta borrokan jarraitzeko, eta Jaurlaritza «patronalaren bozeramailea» dela gaitzetsi dute.

Ibaizabalen ertz bietan Bizkaiaren iragan industrialarekin lotutako garabi ugari daude. Parez pare daude Navalenak eta Muruetarenak: geldirik lehenak eta lanean bigarrenak. ©ARITZ LOIOLA / FOKU

EGUNSENTI BERRI BAT EUSKAL ONTZIOLETAN

Jokin Sagarzazu

Naval behin betiko itxi duten arren, Euskal Herriko ontzigintza indartsu dago gaur egun, eta geratzen diren hiru ontziolek gainezka dute lan zorroa. Hala ere, sektorearen tamaina ez da duela 40 urte bezalakoa, eta beste era bateko lanak egiten dituzte.
Alemaniako Papenburgo hiriko Meyer ontzioletan egindako gurutzontzi turistiko bat. ©DAVID HECKER / EFE

Itsasoko Airbusaren porrota

Jokin Sagarzazu

Asiako erraldoiek kontrolatzen dute ontzigintzaren sektorea, eta Europan ez dute modurik aurkitzen horri aurre egiteko. Konpainia handien bat egiteek ere ez dute arrakastarik izan.

 ©SPRI

«Gure ontziolek beti egin dituzte ontziak armadorearen neurrira»

Xabier Martin

Pandemiaren krisian ere tinko irauten ari dira euskal ontziolak, Itsas Foroko buruak dioenez. Navalen adjudikazioarekin haserre dago Lopez de La Calle, eta horren zergatia esplikatu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna