Noiz sortua: 2018-06-24 00:30:00

GEURE KONTU

Tsiprasen gorbatak ere estutu egingo du

Alexis Tsipras, ostiralean, gorbata bat jartzen.
Alexis Tsipras, ostiralean, gorbata bat jartzen. GIANNIS KOLESIDIS / EFE Tamaina handiagoan ikusi

Iker Aranburu -

2018ko ekainak 24
Egun historikoa izan zen ostiralekoa Grezian, Alexis Tsipras lehen ministroak gorbata jantzi baitzuen lehen aldiz kargua hartu zuenetik. Promesa bat bete zuen horrela: gorbata jarriko zuela Greziak akordio bat lortzen bazuen bere zorraren zama arintzeko. Horixe bera erdietsi zuen ostiraleko lehen orduetan. Zorrari buruzko akordioa ezinbesteko baldintza zen Atenasek zortzi urtez behar izan duen finantza laguntza atzean uzteko.

Europarentzat ere egun historikoa izan zen, inork ospakizunik edo keinurik egin ez bazuen ere. Itun horrek atea irekitzen dio erreskateen aroa atzean uzteari: Greziarekin hasi zen, 2010ean, eta Greziarekin amaituko da, 2018an. Ziklo beltz baten amaiera, euroa bera kolokan jarri duena.

Baina erreskatetik irteteak ez du esan nahi Greziaren amesgaiztoa amaitu denik. Agian ez da orain arte bezain beldurgarria izango, baina greziar gehienentzat oraindik ez da iritsi amets goxoak eta lasaiak izateko garaia. Hurrengo urteotan gerrikoa edo lepoa estuturik izan beharko dutelako. Ez du troikak egingo, Atenasko agintariek berek baizik; Tsiprasen eta haren ondorengoen gorbatek estutuko dituzte.

Izan ere, ez da doakoa izango Tsiprasek erreskatetik ateratzeko euroguneko beste kideekin sinatutako aseguru poliza. Greziari beste 15.000 milioi euro utziko dizkiote orain, eta, horiei esker, 24.100 milioiko erreserba bat izango du hurrengo bi urteetan bere burua finantzatzeko, merkatuen apeten menpe egon gabe.

Aseguru horren truke, Tsiprasek agindu du 2022ra arte gobernuak BPGaren %3,5eko superabit primarioa izango duela; hots, zorrak pagatzen hasi aurretik, Atenasek gutxi gorabehera 6.000 milioi euroko superabita izan beharko duela; 2023tik 2060ra arte %2,2koa izan beharko du superabit horrek. Zertarako ahalegin izugarri hori? Greziak dirua tentuz erabil dezan, zorraren zati bat ordaintzen has dadin, eta merkatuek Greziari buruzko konfiantza berreskura dezaten. Tsiprasek berak onartu du kale estuan ibili beharko duela legegintzaldia amaitzeko falta zaion urtean: «Ezin dugu utzi erreformen eta kudeaketa zuhurraren bidea». Politikoki bide arriskutsua da, suizida ez esateagatik. Orain arte, troika gorrotatuari leporatu ahal izan diote austeritate mingarria, baina, orain, erabakiak Greziak hartuko ditu. Subiranotasunaren ajeak.

Makila eta azenarioa

EB ez da fio Atenasekin, eta ikuskaritza indartua ezarriko dio: hiru hilean behin, Bruselak Greziaren kontuak gainbegiratuko ditu. Makila prest... eta azenarioa ere bai. Esandakoa betez gero, saria jasoko du Greziak: EBZk haren zorrarekin egindako 4.800 milioi euroren mozkina itzuliko dio; 600 milioi sei hilean behin. Ez da akuilu kaskarra zintzo portatzeko; are gutxiago ikusita hamaikagarren erreforma sorta erreskatea amaitu ondoren ezarri beharko dela, eta pentsioak jaistea dakarrela (%9, batez beste); hamalaugarren aldiz!

Troikaren azken inposizioa? Askok horrela interpretatuko dute, baina ez da ahaztu behar Greziaren arazoa Grezian bertan sortu zela. Greziarrek sortu zuten zulo izugarria beren kontuetan, haiek eragin zituzten ordaintzerik izan ez zituzten fakturak, haiek sortu zuten klientelismoaren eta zerga iruzurraren pipiek jandako estatu bat... eta atzetik etorri ziren Alemania eta enparauak, gaixoa ia-ia hil zuen botika mingots eta krudel batekin.

Eta horrek guztiak arazoa konponduko du? Baietz saldu du Tsiprasek, bere herritar pobretuei itxaropena saldu beharrez; hala saldu du Bruselak ere, behingoz sendatu nahi baitu Greziak eragin dion buruko mina. Baina interesatu zuzenak ez direnek zalantza handiak dituzte, haien artean Christine Lagarde NDFko zuzendaria, handia baita Greziaren zorra, handiegia: 317.407 milioi euro 2017aren amaieran, BPGaren %178,6. Ikuspegi horren arabera —eta oso litekeena da zuzena izatea—, ostikoa eman diote baloiari, eta urrun bidali dute arazoa. Nahikoa urrun? Hori ezin da jakin, eta are gutxiago bere burua arazoetan katramilatzeko zaletasuna duen EB honetan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 5ean eguneratua, 14:00etan. ©

Koronabirusaren azken datuak

Berria

Euskal Herrian 11.701 gaixok eman dute positibo koronabirusaren proba eginda. 693 hil dira. COVID-19 gaitza izandako 3.709 pertsonari eman diete alta. Grafikoak, albiste barruan.

Iñigo Urkullu lehendakaria, bideokonferentzia batean. ©Irekia

Iñigo Urkulluk «normaltasunera bueltatzeko plan bat» eskatu du

Berria

Eusko Jaurlaritzako lehendakariak babesa adierazi dio Pedro Sanchez Espainiako Gobernuko presidenteak alarma egoera apirilaren 26ra arte luzatzeko egindako eskaerari. Ekonomiaren jarduera etetean «malgutasunez» jokatu izana eskertu dio.

Nafarroako erietxeko langileak, txalo jotzen, iragan asteazkenean. ©Idoia Zabaleta / Foku

Sanchez aztertzen ari da sintomarik gabeko gaixoak kiroldegietan bakartzea

Berria

Pedro Sanchezek bilera bat egin du autonomia erkidegoetako presidenteekin, eta azpiegituren zerrenda bat eskatu die hilaren 10erako, atzemandako kasu positibo asintomatikoak kokatzeko. Adierazi die milioi bat test banatuko dituela «detekzio goiztiarrerako».

Arnaldo Otegi EH Bilduko koordinatzaile nagusia, artxiboko argazki batean. ©Andoni Canellada / Foku

Otegirentzat, Moncloako Itun berriek «eskubide sozialak eta ekonomikoak urratzea» eragingo lukete

Berria

EH Bilduk astelehenean erabakiko du alarma egoera luzatzeari buruzko jarrera. Dena dela, orain artekoarekin «koherentea» izango dela esan du Arnaldo Otegik. Aurreko aldietan abstentziora jo dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna