Sagardoa latan salduko du Zeraingo sagardotegi batek

Oiharte sagardotegiak aurkeztu du egitasmoa, Euskal Sagardoa sor-markaren barruan. Azaldu dute «kalitatezkoa» izango dela
Oiharte sagardotegiko egitasmoaren aurkezpena, atzo, Ezkion.
Oiharte sagardotegiko egitasmoaren aurkezpena, atzo, Ezkion. ORAIN GIPUZKOA Tamaina handiagoan ikusi

Erredakzioa -

2019ko urriak 19

Sagardoa txotxetik edo botilatik edatea da ohikoena Euskal Herrian, baina formatu berri bat ere izango da aurrerantzean: sagardoa latan. Ezkioko (Gipuzkoa) Igartubeiti baserrian aurkeztu zuten atzo Zeraingo Oiharte sagardotegiaren egitasmoa, Sagardo Astearen barruan. 44 zentilitroko ontzietan merkaturatuko dute edaria, sustatzaileen esanetan, «kalitatezko sagardoa modu erraz batean» eskaintzeko helburuz. Tokiko sagarrarekin egindako produktua dela nabarmendu dute, eta Euskal Sagardoa jatorri izenaren «kalitate berme zorrotzak» beteko dituela.

Oiharte sagardotegiko Haritz Egurenek azaldu zuenez, lagun batek proposatu zien sagardoa latan ontziratzea: «Edari gehienak latan edateko aukera dago, eta munduan zehar sagardo gehiago ere egongo dira agian, baina hau berria da euskal sagardoaren munduan». Bidea egingo duela uste du: «Momentuz, dendetan eta tabernetan hasiko gara».

Eguren ez ezik, Euskal Sagardoa izendapeneko, Gipuzkoako Sagardogile Elkarteko eta Gipuzkoako Foru Aldundiko ordezkariak ere izan ziren ekitaldian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna