Noiz sortua: 2016-03-25 00:30:00

LARREPETIT

Aberririk gabe, bakerik ez

Kattalin Miner -

2016ko martxoak 25

Neure burua abertzaletzat izan arren, ez naiz ni aberrizalea izan ia inoiz. Esan nahi dut hitzak berak ere atzerakoa eman izan didala ia beti, eta, egiari zor, kasik terrorea laztantzen duen izua sortu. Aberria eta abertzalea hitzak —inoiz egin behar ez den gisan— gaztelaniara itzultzen baditut, sekulako narda eta izua sartzen zaizkit gorputzean, nahiz, noski, ondo ikasia naizen «ez dela gauza bera aberria eta patria».

Dena den, edozein hizkuntzatan kontzeptualki gehiegi izutzen nauen gauza da aberria. Beldurtu egiten nau aberri batek —generikoki—, eta aberriarekiko sorrarazten diguten maitasun eta defentsa senak. Izutzen nau aberriaren izenean mintzatzen den orok eta ikaratzen naute abertzale onek, hots, patriotek.

Ez naiz abertzale ona, baina, inozoa ere ez naizenez, badakit desberdina dela herri zapaldu edo ukatu baten abertzaletasuna edota inperio batena. Horregatik, agian, ospatu izan dugu etxean beti Aberri Eguna, eta ez hainbeste Jesusen berpizte hori.

Baina, ia beti bezala, onena politikatik etortzen denez, gaurko txistea podemita vasco-ek ekarri digute. Diotenez, aberririk gabeko Aberri Egun bat ospatu behar omen dute, zehazki, «identitarioa ez den Aberri Egun bat». To. Non, eta Donostiako bakearen usoan. Identitaterik ez izateko leku kuriosoa hautatu dute, bada.

Nik, nire partetik, buruari eragin diot, eta pentsatzen nabil —politika berriak hala agintzen badu— ea nola ospa dezakegun, adibidez ,emakumerik gabeko Martxoaren 8a, langilerik gabeko Maiatzaren 1a, edo nola egituratuko ote ditudan arrazismoaren aurkako arrazarik gabeko diskurtsoak.

Eta batek daki zertan arituko diren Podemos Euskadikoak igandean identitaterik gabe uso baten bueltan; baina, era berean, gauza bat eskapatu zaielakoan nago, hain zuzen, identitaterik ez izatea bera ere oso identitarioa izan daitekeela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Arantzazu (Oñati, Gipuzkoa), larunbatean. ©Marisol Ramirez / Foku

Hego Euskal Herria, azken faserako prestatzen

Berria

EAE datorren astelehenean hirugarren fasera pasatzeko eskatuko dio gaur Iñigo Urkullu Jaurlaritzako lehendakariak Espainiako Gobernuari, eta Nafarroa «normaltasun berrira iristeko neurriak» onartzeko prest dagoela esan du Maria Txibite presidenteak.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du gaur Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta, horren truke, Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Ekainaren 8an hirugarren fasean sartzea eskatuko du Jaurlaritzak bihar.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna