Noiz sortua: 2016-03-16 00:30:00

LARREPETIT

Ongi etorri

Eneko Gorri -

2016ko martxoak 16

Txapela buruan, irria ezpainetan eta hurbilekoak besoetan agertu zara sare sozialetan. Plazer bizi bezain joankorrak eskaintzen dituzten argazkiak dira hauek. Biziak bai, presoen eta senideen sufrikarioaren bukaera agerikoa delako irudien detaile txikienetan. Baina joankorrak ere, herrira itzultzen den preso bakoitzak barnean guttienez ziega lagun bat uzten baitu, gatazkaren konponbiderako bidea amaitu gabea dela frogatzen duen testigua. Zigor kondena oso-osorik bete ondoren herriratu zara. 18 urte. 18 urte luze. Luze eta gogor. Baina oraindik 10 urte itxoin beharko duzu Euskal Herriko eremu guzietara libreki mugitzeko eskubidea berreskuratu aitzin. Duten mendeku goseaz ez dira errazki asebetetzen. Badakizu.

Aitortu behar dizut bitxi egiten zaidala ezagutzen ez dudan norbaiti singularreko bigarren pertsonan mintzatzea. Aditz jokaera atrebentzia hori barkatuko didazulakoan nago, David, baina badira errealitatea ongi borobiltzen duten eslogan batzuk. «Herriarenak zarete, maite zaituztegu» horietako bat da. 15 urte nituen Andaluzia komandoaren kontrako operazioan atxilotu zintuztetelarik. Basusarriko dantza taldean eta Gazteriak taldean lehen urratsak egiten ari ginen lagun batzuekin. Ez genuen elkar ezagutzen garai hartan. Ezta ondotik ere. Bizpahiru gutun zalantzati besterik ez dizut zirrimarratu 18 urtez. Baina hori ere barkatuko didazulakoan nago. 18 urtez, sustengu bazkariz omenaldi dantzetara, herriko bestetako ekitaldietatik paretetako pintadetara, gure irudimenezko herrikidea bezala izan zarelako azkenean.

Ongi etorri, beraz, zure etxera, David. Ongi etorri ere, Juantxo eta Lorentxa. Ongi etorri, bukatzeko, «Amnistiaren norabidean, euskal preso eta iheslariak etxera» adierazpenari. Herriko plazetan behar ditugulako, txapela buruan, irria ezpainetan, lore sorta eskuan eta senideak ondoan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Zerga berriekin ordaindu nahi du hartuko duen zorra. Harrera beroa izan du hegoaldean, baina hotza iparraldean.

Manuel Castells Espainiako Unibertsitate ministroa, joan den astean, Diputatuen Kongresuan. ©Kiko Huesca / Efe

Unibertsitate tasak jaitsi beharko dituzte Hego Euskal Herriko administrazioek

Andoni Imaz

Castells Espainiako Unibertsitate ministroak adierazi du unibertsitateek finantziazio gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna