Gentilesky
'Gentilesky'
Sardiniako eta Istanbulgo musikariz osatutako post-punk egitasmoa da Gentilesky. Taldearen estreinako lan homonimoa AEBetako HoZac zigilu prestigiotsuak plazaratu du —diskoetxearen erreferentzia guztiak dira interesgarriak, bereziki liburuak—. Gentileskyren proposamenari dagokionez, erritmo angeluar, dantzagarri eta itsaskorrak jorratzen ditu, post-punk tradizio klasikoari jarraikiz. Halere, tarteka, eremu etereoagoetan murgiltzen da, psikodeliara gerturatzeko asmoz. Grabazioa laster izango da eskuragarri, eta post-punkaren zaleentzako gozoki eztia bilakatuko da, bere garraztasunean, areago HoZacen labelarekin baldin badator.
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
