Musika. Arwen
'The Soul's Sentence'
Argitalpena: Egilea editore.
Hamalau urteko isilaldia ondo baliatu du Madrilgo Arwen taldeak. Artisauen antzera eta presarik gabe landu dute The Soul's Sentence hirugarren diskoa. Pasatutako denborak merezi izan du. Sormen aro luzean talentuari zukua atera diote, taldekide aldaketak izan badituzte ere. Jose Garrido abeslari, gitarrista eta gidariak estudio propioa izateak mesede egin dio azken emaitzari. Metal melodikoari omenaldi ederra egin diote pasarte heavy, hard rock, progresibo eta alternatiboekin. Abesti guztiak dira nabarmendu beharrekoak, baita Chris Cornell zenari eskaini dioten moldaketa ere. Hollow Days, Torn From Home, Endless Burden eta Beyond Pain piezak dira esanguratsuenak, dituzten ñabardura guztiengatik. Miraritzat hartu behar da boskotearen itzulera.
Iruzkinak
Ez dago iruzkinik
Ordenatu