Primal Fear

'Apocalypse'

Diskoetxea: Frontiers Records.

Inaxio Esnaola Aranzadi -

2018ko irailak 16
Urteko heavy metal kantuetako bat egin du Alemaniako Primal Fear taldeak: King of Madness. Bideoklip eta guzti aurkeztu zuten, Apocalypse disko berria atera aurretik. Beraien ibilbide luzeko hamabigarren lana da, eta ahalegin berezia egin dute ohiko egiturak ez errepikatzeko. Mat Sinner baxu jotzaileak urteak daramatza bere taldearentzat zein besteentzat kantuak sortzen eta ekoizten. Oraingoan, konposizio finenak bere oinarrizko bandarentzako gorde ditu. New Rise, The Ritual, Hounds of Justice eta The Beast abestiek heavy metal alemaniarren sugarra biziberritzen dute. Era berean, azpimarratzekoa da Ralf Scheepers abeslariaren sasoi paregabea. Urriaren 7an, Bilboko Santana 27 aretoan ariko dira zuzenean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna