'A song is way above the lawn'

The Innocence Mission taldearen diskoa izan gabe, The Innocence Mission disko bat badirudi, zer da? Erantzuna ez da zaila: Karen Perisen disko bat. Hain du ahotsa eta kantaera berezia, hain da pertsonala kantuen geldotasuna ulertzeko era, hain da bikaina malenkonia interpretatzeko modua... Bai, disko hau kantu gozoz beteta dago, non popak eta folkak bat egiten duten pianoen eta gitarren laguntzaz.

Diskoa aurkezteko, I would sing along abestiarekin bideo bat argitaratu du, eskuz margotutako animazio eder batean elefante bat protagonista duela.

Berriro ere udazkenerako soinu banda ezin hobea izan daitekeena ondu du The Innocene Missioneko kantariak, bakarkako bigarren lan honetan.