'Lamplighter (Deluxe)'

Tommy Ashby eskoziar kantautorearen lan berria, Lamplighter (Deluxe), aurretik kaleratutako bigarren lan luzearen bertsio osatua da. Belarria ozeanoaren bestaldean jarria duten kantari horietako bat da Ashby, baina, AEBetako folkari begira jarritako belarriarekin batera, badu pop eskoziar elegante eta geldoenari begira jarritako beste bat. Horrela lortzen du folk-pop dotorez betetako lan bat, eder eta hauskor samarra, nahiz eta, une batzuetan, ilauntasun hori ukitu errodunekin hautsi. Eta, noski, nahasketari ez zaio epika puntutxoa falta. Emaitza? Lan gozoa eta sutondoan entzuteko modukoa.