Albistea entzun

Alardean batu bitartean, irudian

Guztion Alardeak egindako deialdiari erantzunez, argazki jendetsu bat egin dute Hondarribian; «mugarria» izango da
Argazkian irteteko deiari erantzun zioten herritarrak, atzo, Gernikako Arbola plazako zelaigunean.
Argazkian irteteko deiari erantzun zioten herritarrak, atzo, Gernikako Arbola plazako zelaigunean. JAGOBA MANTEROLA / FOKU Tamaina handiagoan ikusi

Arantxa Iraola -

2022ko irailak 3

Alarde parekidearen aldeko keinu esanguratsua egin zuen atzo arratsaldean Hondarribian (Gipuzkoa) Guztion Alardea elkarteak; ehunka pertsona elkartu zituen Gernikako Arbola plazako zelaigunean, argazki jendetsu batean. Han batutakoek alardearen auzirako konponbide bat eskatu zuten, eta alardeak ezinbestean «guztiona eta guztiontzat» izan behar dutela adierazi zuten.

Batu ziren pertsona askok nabarmendu zuten irudiaren indarra, jende asko eta askotarikoa elkartu zelako argazkirako; orain artean banatuta egondakoak ere batu ziren. «Orube amankomun bati» buruz mintzatu zen jendea ere izan zen. Antolatzaileek poza adierazi zuten ekitaldiak izan zuen segidarengatik, eta gatazkaren konponbidean «mugarria» izango dela uste dute. Ez zuten adierazpenik egin, izenik ere ez zuten eman nahi izan, baina ohar bat leitu zuten. Nabarmendu zuten ekitaldian «sentsibilitate ezberdinetako» herritarrak batu izana. Instituzioei ere zuzendu zitzaizkien, bereziki Hondarribiko Udalari. Uste dute «irmoki, seriotasunez eta pauso zehatzak emanez» murgildu behar duela gatazkaren konponbidean.

Mende laurdena bete zen iaz Irun eta Hondarribiko andreek alardean gizonen pare desfilatzeko ahalegina lehen aldiz egin zutenetik. Kontrako erantzun bortitza jaso zuten orduan, eta egun udalerri bietan alarde bakar eta parekide bat egiten ez dela ikusteak argi erakusten du oraindik behar bezala bideratu gabeko auzia dela. Konponbide bat lortzeko bidean garrantzitsua izan zen Guztion Alardea taldea 2019an Hondarribian eratu izana, andrerik onartzen ez duten konpainien inguruetan dabiltzan hainbat pertsonak osatu baitzuten.

Elkarte horrexek aurten jakinarazi du 64 andrek, izen eta abizenekin, eskakizuna egin dutela alardean gizonekin batera irteteko; alarde baztertzailearen antolatzaile Alarde fundazioaren eta Hondarribiko Udalaren atea jo dute horretarako. Esperantza piztu zuen jakinarazpen horrek. Berriki elkarteak adierazi du, ordea, emakume horiek ez dutela jaso espero zuten erantzunik. Hain justu ere, fundazioak adierazi die ez dutela aintzakotzat hartu beren eskea; Hondarribiko Udalak, berriz, erantzun ere ez die egin. Horiek horrela, atzoko ekitaldian onartu zuten aurten alardea ez dela izango «herri guztiaren ospakizun handia», baina horren alde borrokan jarraitzeko asmoa dutela. Jaien ondoren, berandu baino lehen, «elkarrizketa mahai bat» martxan nahi dute: «Gatazkarik gabeko alardea berreskuratu behar dugu, herritar guztiona eta guztiontzat izango dena».

Ezin banatu

Lehendik ere, alarde bakar baten aldeko hautua argi utzi dute Guztion Alardea taldeko kideek behin baino gehiagotan. «Gure aitona-amonek hondarribiar guztioi utzitako ondare kuttuna da alardea. Horrela, emakumearen parte hartzea ukatzeagatik, desfilea zatitzea ondare immaterial horren aurkako jarrera arduragabea dela iruditzen zaigu», adierazi zuten atzoko ekitaldirako deia egiteko plazaratu zuten oharrean. «Adierazi nahiko genuke badagoela mendeetan zehar Hondarribiko alardeak aldatu ez duen ezaugarri nagusi bat, haren izateari zentzua ematen diona: herriaren kohesio eta batasunaren ikur izatea, alegia», goraipatu zuten.

Alde horretatik, atzoko argazkiaren trinkotasunak eta zabaltasunak lagun dezakete. Irailaren 8an da alardea. Ondoren zer gertatzen den ikusi beharko da.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Indarkeria matxistaren aurkako protesta bat, Iruñean. ©IÑIGO URIZ / FOKU

'Baietz da baietz' legearen aurretiko kondenei eutsiko diete Nafarroan

Ion Orzaiz

Nafarroako Auzitegiak ez du murriztuko zigorra, hura lege berriaren parametroetan sartzen bada. Gipuzkoako Auzitegiak etzi ebatziko du
Idurre Eskisabel, atzean Euskalgintzaren Kontseiluaren logoa duela. ©EUSKALGINTZAREN KONTSEILUA

Idurre Eskisabel izango da Kontseiluko idazkari nagusia

Julen Aperribai

Paul Bilbaok hamabi urte eman ditu kargu horretan, eta hura ordezkatuko du Eskisabelek gaur zortzi, Durangon. Euskararen auzia «gizartearen lehentasun» bihurtzea eta aliantzak sendotzea jarri ditu helburu
Mintzodromo bat, San Telmo museoan, Donostian. ©GORKA RUBIO / FOKU

Aniztasunerako zubigintza

Iraia Vieira Gil

Euskaraz ez dakitenak erakartzeko jardunaldiak antolatu ditu Euskaltzaleen Topaguneak. Euskarak sortzen dituen barne eta kanpo gatazkak izan dituzte hizpide.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.