Albistea entzun

Lopepe, Iriart eta Bussiere, Frantziako eskuin muturraren radarretan

Frantziako eskuin muturreko sareetan, «islamo-ezkertiar» gisa identifikatzen dituztenen zerrenda batean publikatu dituzte haien izenak
Anita Lopepe, 2019an.
Anita Lopepe, 2019an. G. FAUVEAU Tamaina handiagoan ikusi

Ekhi Erremundegi Beloki -

2021eko irailak 18 - Baiona

Frantziako eskuin muturrak «islamo-ezkertiarrak» identifikatzeko darabilen zerrenda batean agertu dira Ipar Euskal Herriko hiru politikari: EH Baiko Anita Lopepe eta Jean Claude Iriart, eta EELVko Sophie Bussiere. Atzo eman zuen albistea Taha Bouhaf Le Media-ko kazetariak, eta zerrenda bera zabaldu zuen. Ipar Euskal Herriko jendea ere bada hartan.

Bouhafen bilaketen arabera, 2019ko azaroaren 10ean Parisen islamofobiaren aurka antolatu zuten protestari babesa eman ziotenen zerrendatik eratorria izan liteke «islamo-ezkertiarren» zerrenda hori. Bouhaf bera zerrendan dago, eta iragarri du salaketa jarri duela bere abokatuaren bidez. «Horrelako zenbat zerrenda daude? Zer helbururekin?», galdetu du. Baina zerrendan agertzen diren izen guziek ez zuten babestu islamofobiaren kontrako deialdia. «Nondik datoz gainerako izenak?», galdetu du.

Salaketaren beharra

Zabaldutako zerrenda salatu du EH Baik, eta babesa adierazi die mugimenduko kideei. Lopepek berak BERRIAri adierazi dio «lehen kolpean» ez diola «inportantziarik eman», duda zuelako ez ote zen «oihartzun» gehiegi ematea. «Hala ere, zerbait egiten du», aitortu du. «Uste dut salaketa egin behar dela. Politikoa batetik: niretzat, ez da detaile bat Frantzian presidentetza aitzin giro politikoan den eskuin muturrerako lerratzea, eta uste dut gure rola hori salatzea dela». Oraindik ez du aztertu salaketa juridikoa ezarriko duen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

MHLI taldeko ikertzaileak eta Maria Jose Telleria Gipuzkoako Foru Aldundiko Kultura diputatua, gaur, aldundian. ©JON URBE / FOKU

Euskal liburu asko zentsuratu zituzten Franco hil ostean ere

Mikel Elkoroberezibar Beloki

Torrealdairen lanari «jarraipena» emanez, MHLI taldeak 1975. eta 1983. urteen arteko zentsurari buruzko liburu bat ondu du. Zentsoreen obsesioa «separatismoa» zela nabarmendu du Ana Gandara ikertzaileak.

Urkullu, gaur goizean, Eusko Legebiltzarrean. ©Endika Portillo / Foku

Urkulluk uste du euskararen aurkako epaiek ez dutela zalantzan jartzen hizkuntz politika

Iosu Alberdi

Urteko lehen kontrol saioa egiten ari dira Eusko Legebiltzarrean. Osasun sistema publikoaren eta pribatuaren arteko harremana babestu du lehendakariak.

AHTaren tunel bat Lezetxiki barruan egin dutela salatu dute ©Lezetxikiren Lagunak

Gipuzkoako Foru Aldundiak dio AHTak ez duela «inolako kalterik eragin» Lezetxikin

Isabel Jaurena

Ekologistak Martxan taldeak erran du AHTaren obrek «haitzuloko lurpeko ekosistema hauskorrari» kalte egin diotela.

«PSNrentzat noiz da eremuz aldatzeko garai egokia? Inoiz ere ez»

«PSNrentzat noiz da eremuz aldatzeko garai egokia? Inoiz ere ez»

Joxerra Senar

Ustekaberik ez zen izan atzo Nafarroako Parlamentuan, baina Mañerun «amorruz eta etsipenez» hartu dute albistea, euren nahiari jaramonik ez dietelako egin Navarra Sumak eta PSNk. Alkateak salatu du «bigarren mailako herritar» sentitzen direla.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...