Albistea entzun

Asier Zabaleta. Ertzako zuzendaria

«Teknikaren erakustaldi huts bat bada, interes guztia galtzen du dantzak»

JUAN CARLOS RUIZ / FOKU Tamaina handiagoan ikusi

Itziar Ugarte Irizar -

2018ko urriak 16

Ertza konpainiak bere obra berria estreinatuko du larunbatean: Janeten titia. Viktoria Eugenia antzokian izango da, 20:00etan.

Bular baten irudia dago emanaldiaren oinarrian. Nolatan?

Normaltasunaz hitz egin nahi genuen, eta dantzariei Tote King rap kantariaren hitz batzuk etorri zitzaizkien burura: A veces las cosas normales hacen ruido... como la teta de Janet. Iruditu zitzaigun oso ondo laburtzen zuela esan nahi genuena: ekintza berbera zergatik onartzen den normaltzat testuinguru batzuetan eta zergatik den eskandalu besteetan.

Eta non jarri duzue fokua?

Itxurakerian, matxismoan, biolentzian, erlijioan, mugikorrarekiko dependentzian, zentsuran... Arlo horietan guztietan oso «normalak» ez diren gauza asko onartzera iritsi gara, eta alderantziz.

Jhana Beatek jarriko du musika.

Ahotsarekin egiten dituen soinuak unean bertan grabatuz osatzen ditu kantuak. Eta, gero, gainetik kantatu eta gitarra jotzen du. Sekulako energia du eszenan, eta haren presentzia oso garrantzitsua da obra honetan.

Lau dantzari oholtza gainean.

Jatorri ezberdinetatik datozen arren, lengoaia amankomun bat bilatu dugu. Gero, bakoitzak badu bere protagonismo unea.

Oro har, aitortzen zaio dantzari gaurko errealitatearen ertzez aritzeko funtzio hori?

Niretzat funtsezkoa da. Dantza lengoaia ezin hobea da emozioak transmititzeko, eta, beraz, gauza askotaz hitz egiteko. Teknikaren erakustaldi huts bat bada, bere interes guztia galtzen du dantzak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©MONIKA DEL VALLE / FOKU

«Ez dugu behin ere pentsatu azoka digital soila egitea»

Iñigo Astiz

Durangoko Azokako denda digitala gaur abiatuko da, eta aurrez aurreko bisitak, berriz, bihar. Osasun neurriak aldatuz gero ere horri eustea da Mujikaren asmoa.

 ©ANDONI CANELLADA / @FOKU

Toure detektibea Madrilera joan da zortzigarren kontakizunean

Gorka Arrese

Jon Arretxek 'Dortokaren begirada' argitaratu du. Parisko bitxi denda batean ostutako piezei esker, Toure eroso bizi da Madrilen

Libe Garcia de Kortazar eta Jon Basaguren musikariak. ©GALDER IZAGIRRE

Paisaia ilun baten soinu banda

Ainhoa Sarasola

Pasadena sortu dute Libe Garcia de Kortazarrek eta Jon Basagurenek, eta izen bera duen diskoa atera. Giro iluna iradokitzen duten zortzi kantu bildu dituzte, argi printzek zulatuak

Concha Barqueroren eta Sergio Alvaradoren <em>Descartes</em> filma. ©ZINEBI

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.