Albistea entzun

KRITIKA. Musika

Bi punturen arteko distantziarik laburrena

Marta Garcia -

2022ko apirilak 26

'Miramongo Matineak'

Euterpe boskotea: Laura Balboa, Mikel Ibañez (biolinak); Arkaitz Martinez, Monika Mazur (biolak); Beatriz Linares (biolontxeloa). Egitaraua: L. Boccheriniren Harientzako boskotea op. 11, 5 zb. eta J. Brahmsen Harientzako 1. boskotea op. 88. Lekua: Euskadiko Orkestraren egoitza, Donostian. Eguna: Apirilaren 23a.

Larunbat goizetan Euskadiko Orkestraren egoitzan, Donostiako Miramon parkean, izaten diren kontzertuek erritu txikiek betetzen duten gizarteratze funtzio bera dutela esan daiteke. Giro berezia izaten da, betiko lagunen bilkuretan sortzen denaren antzekoa; bertako espazioak, izan ere, gonbit goxoa egiten dio kamera-musikari zein publikoari. Oraingoan, orkestrako hainbat musikarik osatutako Euterpe boskotea izan zen protagonista, denboran ehun urteko saltoa ematen duen programa batekin.

Lehen zatian, Luigi Boccheriniren Harientzako boskotea eman zuten, bi biolontxeloren ordez bi biola hartzen dituen bertsioan. 1770eko lehen urteetan idatzia, ez da harritzekoa argitaratu zenean deigarria suertatu ez izana, konpositore italiarrak 120 hari boskote baino gehiago idatzi baitzituen. Haatik, nekez topatuko dugu hirugarren mugimendua, Minuet-a, segituan ezaguna ez duen inor, biolinak irekitzen dituen lau kortxeaerdiak telesail, film eta iragarkietan maiz agertu izan baitira. Laura Balboa fin aritu zen zati horren gidaritzan, baina boskoteak, oro har, ez zion ihes egin hasierako Amoroso-tik antzeman zen nahiez kutsu bati, tarteka doitasun ezean islatzen zena. Allegro con spirito-an soinu borobila aurkeztu zuten denek, osoa, baina ez guztiz garbia, kolore asetasun gutxiko argazki batena bezalakoa. Andante-an, Monika Mazur eta Beatriz Linaresek fraseatze dotorea erakutsi zuten.

Johannes Brahmsen Harientzako 1. boskotea eskaini zuten gero, 1882an idatzia. Oso ezaguna ez den arren, badirudi konpositorearen kamera obra kuttunenetakoa zela. Ez zen, aldiz, aukeraketaren zergatiaren berri eman, ez esku-programa laburrean, ez emanaldian. Elkarrekintza falta horrek eta boskotearen jardun orokorrak asepsiaz estali zuten goiza. Izan ziren une ederrak, Mikel Ibañezen gai nagusien trazua, esaterako, baita Arkaitz Martinezen norabide argia ere. Hala ere, ez zen irrikarik sumatu, soilik lerro zuzen bat, puntu batetik bestera daraman biderik laburrena, zapalena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Denis Martinez eta Olaia Valle dantzariak, Barakaldo antzokian, <em>Esna</em> obraren entsegu batean. ©OSKAR MATXIN EDESA / FOKU

'Esna' ikuskizuna ondu dute Marie de Jongh eta Doos konpainiek

Olatz Enzunza Mallona

Dantza eta antzerkia uztartuko dituen ikuskizun bat ondu dute elkarlanean Marie de Jongh eta Doos konpainiek: 'Esna'. Joko esperimentu gisa definitu dute. Bihar izango da estreinaldia.

 ©Mailo Oiarzabal

Pasio baten fruituak

Mailo Oiarzabal - Gipuzkoako Hitza

Urteetan jasotako eta gordetako bertso grabazioak transkribatzea erabaki zuen Xabier Unanuek duela ia hogei urte. 42.000 bertso baino gehiagoko bilduma osatu, eta Zestoako liburutegiari utzi dio.

Soledad Sevilla erakusketaren aurkezpenean, atzo, <em>Gatza</em> oihalaren aurrean. ©MAIALEN ANDRES / FOKU

Soledad Sevillaren 'Nire paisaia propioa' ikusgai dago Kubo Kutxan

Naroa Torralba Rodriguez

Soledad Sevilla artistaren 'Nire paisaia propioa' ikusgai dago Kubo Kutxan. Ibilbide baten proposamena da. Berak aukeratu ditu obrak eta kokapena

<em>Ketariatik mundura</em> pastoralaren bost partaideak. ©BERRIA

Elkanoren bidaia, pastoral «ttipi» batean, bihar, Iruñean

Uxue Rey Gorraiz

'Ketariatik mundura' «nanopastorala» eginen dute bihar iluntzean Iruñean. Hiru aktore eta bi musikari ariko dira, ordu eta erdiz. Mixel Etxekoparrek idatzi du obra

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.