Noiz sortua: 2019-06-05 00:30:00

Metalgintzan ez da akordiorik; greba bai

Sindikatuek salatu dute Bizkaiko metalgintzako negoziazioetan patronalak egin duen proposamena «kaskarragoa» dela aurretik egindakoak baino. Biharko eta etziko, grebara deitu dute sektorean
Bizkaiko metalgintzako sindikatuek atzo BECen egin zuten agerraldiko une bat.
Bizkaiko metalgintzako sindikatuek atzo BECen egin zuten agerraldiko une bat. LUIS JAUREGIALTZO / FOKU Tamaina handiagoan ikusi

Lander Muñagorri Garmendia -

2019ko ekainak 5

Ez atzera ez aurrera jarraitzen dute Bizkaiko metalgintzako ituna lortzeko negoziazioek. Hogei bider elkartu dira alde biak, baina oraindik ez da ezer lortu. Lau sindikatu nagusiek —ELA, LAB, CCOO eta UGT— plataforma bateratu bat eratu zuten maiatzean proposamen bateratuak eramateko mahaira, eta maiatzaren 17ko bileran patronalak aztertzeko denbora eskatu zien. Greba egun bat egin zuten tartean, deitzaileen arabera arrakastatsua, eta berriro ere mahaian eseri direnean akordiorako zantzu gutxi sumatu dute.

FVEM metaleko patronalak sindikatuei «arduragabeak» izatea leporatu zien asteleheneko bileran, negoziazio mahaian eserita egonda ere grebarako deia egina zutelako. Eta sindikatuek atzo erantzun zieten adierazpen horiei, Mikel Etxebarria ELAko arduradunaren esanetan: «Arduragabeak haiek dira, proposamen bateratua egin aurretik ere eduki gehienak ezagutzen zituztelako; zenbat bilera gehiago egin beharko ditugu? Ekarri duten azken proposamena aurretik mahairatutakoak baino okerragoa da». Horregatik, ostegunerako eta ostiralerako deitutako bi lanuzte egunei bere hartan eutsiko diote sindikatuek.

BEC erakustazokaren parean egin zuten prentsa agerraldia sindikatuek, +Industry azokaren estraineko egunean. Bertan azaldu zutenez, patronalak astelehenean mahai gainean jarri zuen proposamenean ez zuen 2018rako soldata igoerarik proposatu, eta 2019rako eta 2020rako «igoera txiki batzuk» baino ez zituzten aurreikusi. «Gainera, taulen gaineko igoerak dira soilik, eta ez soldata errealekoak». Malgutasuna mugatzeko neurririk ez dutela salatu zuten langileek, ezta subrogazio eskubidea bermatzeko neurririk ere, edo behin-behinekotasuna mugatzekorik ere. Horregatik guztiagatik, greba deialdiei eusteko nahikoa arrazoi ikusi dituzte.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Jendea Miamiko hondartza ondoan paseatzen, birusaren hedatzearengatik neurriak gogortu behar izan dituen AEBetako Florida estatuan. ©CRISTOBAL HERRERA / EFE

Urrundu da, baina ez desagertu

Gorka Berasategi Otamendi

AEBek eguneko kutsatzeen marka hautsi zuten ostegunean: 55.000 kasu baino gehiago. Afrikako Batasunaren esanetan, kontinenteak 48.800 milioi euro jasotzeari utzi dio COVID-19ak turismoan eragin duen krisia dela eta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna