Albistea entzun

Sare sozialak. Adingabeak

Hutsuneak ditu adingabeen pribatutasuna babesteko legediak

Ipar Euskal Herrian badaude sare sozialetan edukia sortzen duten adingabeak babesteko neurriak; Hego Euskal Herrian, ordea, ez

Isabel Jaurena -

2022ko abuztuak 18

Gurasoek argitaratutako argazki eta bideo aunitzek kalte egiten diote adingabeen pribatutasunari, baita umeon irudirako, intimitaterako eta ohorerako eskubideei ere. Hortaz, haur horien ongizatea bermatzeko, lege babesa galdegin ohi dute adituek. Errealitatea, ordea, bestelakoa da, lege eta arau tartean galtzen baitira adingabe horien eskumenetako aunitz. Euskal Herrian, adibidez, bi lege egoera daude: Iparraldean berariaz eta zorrotz araututa dago adingabeen irudien erabilera, baina Hegoaldean ez dago guztiz zehaztuta.

Ikusi gehiago: Irudi ase, intimitate gose

Ipar Euskal Herrian legeak babestu egiten ditu Interneterako edukia sortzen duten adingabeak, Frantziako Parlamentuak 2020an onartutako Sareko plataformetan haurren irudiaren esplotazioa izeneko legearen bidez, hain zuzen ere. Arau horrek 16 urte baino gutxiago dituzten eta sare sozialetan edukia sortzen duten gazteak babesten ditu.

Legearen neurri esanguratsuenak hiru dira. Lehenbizikoari esker, umeen irudiak erakutsiz irabazitako dirua kontu korronte jakin batera bideratu beharko da. Gurasoek ezin izanen dute bertan dagoen dirua ukitu; adingabeek, berriz, 16 urte betetzean erabiltzen ahalko dute. Bigarren neurriaren ondorioz, enpresek umeak kontratatu nahi badituzte publizitatea egiteko edo bestelako ekintzetarako, tokian tokiko agintarien baimena beharko dute. Azkenik, adingabeek eurek eska dezakete sarean dagoen eta beraiek agertzen diren irudi edo bideo bat ezabatzeko.

Zehaztasun falta

Hego Euskal Herrian, berriz, ez dago sarean presentzia duten adingabeak babesten dituen lege zehatzik. Espainiako Parlamentuak 1982an onartu zuen ohorerako, irudirako eta intimitaterako eskubideei buruzko legea; familiaren intimitatea ere jorratu zuten bertan, eta adingabeen babesa ere aipatu zuten tarteka, baina sare sozialek ekarritako jarduerek eta arriskuek zaharkituta utzi dute erabat.

Adingabeen alorrean, berriz, Madrilek berariazko lege bat onartu zuen iaz, haurrak eta nerabeak indarkeriatik babesteko, Rhodes legea deiturikoa. Bortizkeriaren alorrean neurri esanguratsuak dakartzan arren, ez du zehatz arautzen Interneteko jarduna, baina egiten du aipamenik. Hemeretzigarren artikuluak dio sarean adingabe bati buruzko informazio desegokia topatuz gero dagokien agintariei jakinarazi behar zaiela; hau da, derrigorrezko jotzen du halakoak salatzea. Beraz, legean sharenting-a propio ez da gaitzesten; bai, ordea, praktika horren erakusle diren zenbait ekintza.

Coppa Legea

Baina sareko jarduna ez dago soilik herrialdeetako gobernuen esku: Interneteko plataformek ere adingabeen presentzia erregula dezakete, eta askok araudi propioak dituzte. Youtube sare sozialak, adibidez, Coppa Legea du. Arau horren arabera, haurrei zuzendutako edukietan ezin izanen da publizitaterik jarri. Hala, enpresa iragarleetatik babesten dira eduki horiek kontsumitzen dituzten adingabeen datuak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Biktimaren senarraren autoa, istripua izan eta gero, La Vila Joiosan (Herrialde Katalanak). ©Alacanteko suhiltzaileak

Soraluzekoa zen Benidormen hil duten emakumea

Jon Ordoñez Garmendia

'Plaentxi.eus' herri komunikabideak BERRIAri baieztatu dionez, M. L. L. da hildakoa. 68 urte zituen. Benidormen zuen etxean topatu du Poliziak, harengana joan denean esatera senarra auto istripu batean hil zaiola. Gorpuak indarkeria zantzuak ditu, eta senarra da susmagarri nagusia.

Cabezudok ezingo du kartzela utzi du epai behin betikoa jaso arte

Cabezudok ezingo du kartzela utzi du epai behin betikoa jaso arte

Arantxa Iraola

Fiskaltzak eta akusazio partikularrak egindako eskea ontzat jo du Gipuzkoako Probintzia Auzitegiak, eta beste sei urtez luza daiteke behin-behineko espetxealdia

Luis Iriondo, Gernikako bunker batean, 2017an. ©Aritz Loiola / Foku

Luis Iriondo hil da, Gernikako bonbardaketen azken lekukoetako bat

Berria

Hainbat lan idatzi zituen, eta memoriari loturiko ekintzetan aktiboki jardun zuen. 100 urte bete eta hiru aste eskasera hil da.

Pello Otxandiano, artxiboko irudi batean ©Monika del Valle / FOKU

EH Bilduk bermatu nahi du hezkuntza komunitateak Hezkuntza Legearen eztabaidan parte hartzea

Irati Urdalleta Lete

Koalizio abertzaleak Eusko Jaurlaritzaren Hezkuntza Legearen aurreproiektuaren lehen zirriborroaren balorazioa egin du. Iragarri du «zuzenketa asko» egingo dizkiotela.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Irakurleen babesa ezinbestekoa da kazetaritza independente eta konprometitua egiten jarraitzeko.