Puigdemontek EBri eskatu dio Espainia zigortzeko

Espainiako Estatuak oinarrizko eskubideak urratu dituela argudiatuta, EB Europako Batasunak hura zigortu ahal izateko prozesua abiatu du Carles Puigdemont Kataluniako presidente kargugabetuak. Errepublikaren Kontseiluak eta ANC Biltzar Nazional Katalanak bultzatuta, Ekinbide Herritar Europarra aurkeztu zuen atzo Europako Batzordean, Bruselan. Batzordeak bi hilabeteko epea du ekinbidea tramiterako onartzen duen ala ez erabakitzeko. Onartzen baldin badu, Puigdemontek-eta urtebeteko epea edukiko dute klubeko zazpi estatutan milioi bat sinadura biltzeko. Lortuz gero, batzordeak aurrera egin ala ez erabakiko du. Goiko argazkian, Puigdemont, atzo, Quim Torrarekin eta Clara Ponsatirekin, besteak beste.