Noiz sortua: 2020-05-23 00:30:00

Presoen auzia askatu eta elkarbizitzan sakontzeko «bide» izan nahi du Sarek

Egoera politiko «berriak» sorturiko aukerez baliatu eta ziklo berri bat hasteko beharra azpimarratu du

Oihana Teyseyre Koskarat -

2020ko maiatzak 23

Gizarteak azken bi urteetan erakutsi duen konpromisoa goraipatu du Sare dinamika herritarrak, eta baikortzat jo du «kontsentsu anitz» lortu izana. Halere, Frantziako eta Espainiako gobernuek eman dituzten pauso «xumeak» indartzeko eta sendotzeko beharra ikusten du oraindik, eta panorama politiko berriak sortu dituen aukerak baliatzea izanen du ardatz ondoko ikasturteetan. Izan Bidea dinamika jarri du horretarako Sarek martxan, presoen auzia askatzeko eta elkarbizitzan sakontzeko.

Salbuespenezko espetxe politika amaitzeko «bide izan» nahi du Sarek. «30 urte dira euskal presoei eta haien senideei urrunketa politika ezarri zitzaienetik, eta, egun, tamalez, martxan jarraitzen du». Egoerari aurre egiteko egin dituzten urratsei esker, «kontsentsu zabala» lortu dute eremu anitzetan. Maila politikoan, oroitarazi dute alderdien gehiengoak salbuespenezko politika amaiarazi nahi duela, eta bide horretan hainbat tokitan onartu diren mozioak goraipatu ditu. Eremu sindikaleko gehiengoaren babesa ere lortu dutela azaldu du. Sareren hitzetan, Orain Presoak dinamikak gizartea «bere aniztasunean» bildu du. Bestalde, gogora ekarri du bakearen eta elkarbizitzaren alde «politika munduan aritu diren kideek edota biktima anitzek» eraman duten aldarria.

Aro berri bat

Espetxe politika arruntari bide emateko, salbuespenezko espetxe politika amaitu behar dela azpimarratu dute. «Euskal presoei dagokienez, salbuespen legediak dakarren zigor bikoitza hirukoitz bilakatu da alarma egoeran». Adierazi dutenez, deskonfinamenduan ere, urruntze politika dela eta, bisitak berrezartzeko eskubiderik gabe gelditu dira.

Sarek jakinarazi duenez, egoera horrek eragina izan du dinamika berrian, eta lanketaren beharra areagotu du. Beraz, dinamikarekin batera «gizarte aktibazioa» handitu nahi dute, eta oraindik irtenbide beharrean dauden auziak konpondu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna