Noiz sortua: 2019-09-18 00:30:00

Umorea, munduari begiratzeko

Andrei Kurkov, Tatiana Tibuleac eta Iban Zaldua izango dira, besteak beste, Bilboko Ja jaialdian, hilaren 26tik urriaren 6ra arte
Andrei Kurkov idazle errusiarra, artxiboko irudi batean.
Andrei Kurkov idazle errusiarra, artxiboko irudi batean. BERRIA

Erredakzioa -

2019ko irailak 18

Umorea adimenaren, zibilizazioaren, kulturaren, askatasunaren eta bizipozaren adierazpen gisa aldarrikatzea izango du helburu Bilboko Ja jaialdiak hamargarren aldian. Hala, umorearen bitartez, ekonomiaz, feminismoaz, berdintasunaz, mafiaz, Sobietar Batasunaren osteko garaiaz eta diziplina artistikoez ariko dira hainbat sortzaile, hilaren 26an hasi eta urriaren 6an amaituko den topaketan.

Ekitaldi nagusiak hasi baino bi egun lehenago, 24an, Fernando Marias idazleak bakarrizketa bat egingo du BBK aretoan, jaialdiaren aurrerapen gisa. Ofizialki, jaialdia 26an hasiko da, Tatiana Tibuleac idazle moldaviarrarekin izango den solasaldiarekin. Hurrengo egunean, Elisa Victoria eta Sabina Urraca haurtzaroaren eta nerabezaroaren artean dagoen «amildegiaz» ariko dira lehenik, eta gero, berriz, Juan Bas eta Iñigo Dominguez, mafiari buruz.

Hilaren 28an, Fernando Trias de Besek eta Marta Flichek gogoraraziko dute zenbaitetan umorea erabiltzen dela gai ekonomikoak jorratzeko, eta jarraian Edu Galanek Maruja Torres idazle espainiarra elkarrizketatuko du.

Urriaren 2an, Guillermo Altaresek Andrei Kurkov idazle errusiarra elkarrizketatuko du, Txernobiletik sobietar gainbeherara izenburua jarri dioten solasaldian. Kurkov japoniera itzultzailea izan zen KGBrentzat, baita espetxe zaindaria ere, eta hainbat liburutan islatu du Sobietar Batasunaren garaiko giroa, bai eta haren ondorengoarena ere. 3an, berriz, Iñigo Astiz BERRIAko kazetariak Iban Zaldua idazlea elkarrizketatuko du —hori izango da jaialdi osoan euskaraz egingo den ekitaldi bakarra—. Egun berean Fernando Marias Manuel Vilas idazle espainiarrekin solastatuko da.

Cristina Morales eta Ivan Repilaren solasaldia gidatuko du Alicia San Juanek urriaren 4an, eta, segidan, Cesar Cocak Antonio Muñoz Molina idazle espainiarra elkarrizketatuko du. Azkenik, 6an, igandearekin, David Trueba zinemagile espainiarrak umorezko bere hamar sekuentziarik gustukoenak aukeratuko ditu.

Bestalde, Elvira Lindo idazle espainiarrak jaialdiaren saria jasoko du aurreko egunean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak adinekoen egoitzetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsionistek Bilboko udaletxe aitzinean eta a bertan argi utzi dute ez dutela murrizketarik onartuko osasungintza publikoan eta pentsioetan. Pentsionistek Eusko Jaurlaritzari eta Bizkaiko Aldundiari egoitzen inguruko informazioa eskatu diote baina ez dute erantzunik jaso. 

Iruñeko Erruki Etxea egoitza, apirilean. ©Iñigo Uriz / Foku

Nafarroako zahar etxeetako 272 egoilar hil dira koronabirusagatik

Maider Galardi F. Agirre

Beste 163 hildakoren sintomatologia aztertzen ari da Nafarroako Gobernua, COVID-19ak hil dituen jakiteko. Gaur hasiko dira bisitak zahar etxeetan

Foruzain bat, Bera inguruan, Gipuzkoa eta Nafarroaren arteko mugan jarritako kontrolan ©Iñigo Uriz, Jagoba Manterola / FOKU

Ekainaren 8tik aurrera Hego Euskal Herri osoan zirkulatzerik egongo dela uste du Madrilek

Edu Lartzanguren

Kutsatze datuen araberakoa izango da erabakia, Jose Luis Abalos Espainiako Garraio ministroak esan duenez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna