Muturreko death metal jaialdia antolatu dute asteazkenerako, Atarrabiako Totem aretoan (Nafarroa). 18:30ean hasiko da, Stormruler AEBetako taldearen emanaldiarekin, eta jarraian aretoko oholtzara igoko dira Ingested (Ingalaterra), Dark Funeral (Suedia) eta eguneko talde nagusia: Cannibal Corpse (AEB).
Brutal death metal azpigeneroaren talde entzutetsuenetakoa bilakatu da Cannibal Corpse, 1990ean Eaten Back to Life lehenengo diskoa argitaratu zuenetik. Lehen hamarkada hartan finkatu zuen taldeak bere soinu gordin, pisutsua eta muturrekoa Tomb of The Mutilated (1992), Vile (1996), Gallery of Suicide (1998) eta beste hainbat diskorekin, baina orduz geroztik ere bizpahiru urtetik behin lan berria dute kalean.
Violence Unimagined (2021) azken diskoan Erik Rutan gitarrista gehitu zitzaion taldeari.
CANNIBAL CORPSE
Muturreko metalaren ordezkariak
Non: Atarrabiako Totem aretoan (Nafarroa). Noiz: Asteazkenean, 21:35ean.
Iruzkinak
Ez dago iruzkinik
Ordenatu