Sarean birala egin zen Errusiako Pussy Riot kolektiboa. Musika talde soil bat baino gehiago, protesta talde artistiko bat da. Moskutik mundu osora zabaltzen ditu Errusiako ordezkarien aurkako mezu zuzenak, punk-rock musikarekin jantziz feminismoaren eta LGTB eskubideen aldeko mezuak.
Bilboko emanaldia ere performance bat izango da kontzertua baino gehiago. Taldeko kidea da Maria Aliokhina aktibista, eta berak argitaratutako Riot Days liburuaren inguruko ikuskizuna egingo du, antzerkia eta punka uztartuz.
Eliza batean egindako protesta ekintza baten harira atxilotu zuten Aliokhina, 2012. urtean, eta espetxean eman zituen 21 hilabeteen inguruan idatzi zuen liburua.
Haren aurretik, New Day taldea ariko da, Dover sortu zuen Amparo Llanosen proiektu berria, Sunrise diskoa aurkezten.
Musika. PUSSY RIOT
Putinen aurkako punk-rock performancea
Non: Bilboko Kafe Antzokian. Noiz: Otsailaren 6an, 20:30ean.
Iruzkinak
Ez dago iruzkinik
Ordenatu