Bi ilunkara segidan rockarentzat

Hamabost talde hartuko ditu datorren asteburuan Iruñeko Nafarroa Arenak, ostiralean hasi eta larunbatean segida izango duen Iruñarock jaialdian. Lehen egunean, Narco, Su Ta Gar, Banda Bassotti, Kaotiko, Bala, La Topadora eta Liher taldeak ariko dira agertoki gainean. Larunbatean luzeagoa izango da kontzertu segida: Nators y Waor, Lagrimas de Sangre, Ciudad Jara, Jarfaiter, Kaos Urbano, Sons of Aguirre & Scila eta The Lizards ariko dira.

Horiek, ordea, eszenatoki nagusiko emanaldiak izango dira. NMC (Navarra Music Comission) izeneko bigarren oholtzan talde nafarrak ariko baitira: La Sonrisa Metalica, Corrosive, Deserrite eta Katanga Dub, ostiralean; eta Javi Robles, Cobardes, Lilo eta MDR Madurga, larunbatean.

Oraindik gelditzen dira azken sarrera batzuk salgai, egunekoak zein bi egunetarako abonuak.