Jethro Tull, Ian Anderson abeslari eta flauta jolea buru duen talde historikoa, Donostian izango da aste honetan, bere azken diskoa aurkezten: Rökflüte (2023). Hogei urtez lan berririk argitaratu gabe izan ostean, Ingalaterrako banda iaz itzuli zen The Zealot Gene lanarekin, eta hilabete batzuk besterik igaro ez dela atera du haren segida. Rökflüte Ipar Europako paganismoko pertsonaietan eta roletan oinarritutako hamabi kantuk osatzen dute. Aldi berean, baina, izenburuak azaltzen duen moduan, rock musikako txirulari egiten dio erreferentzia.
1960ko hamarkada amaierako blues-rock oldearen barruan sortua izanik, Jethro Tull rock progresiboaren ikur nabarmena bihurtu zen hurrengo hamarraldian, Aqualung, Thick as a Brick, Minstrel in the Gallery, Songs From The Wood eta beste hainbat diskori esker.
Donostian, boskote formazioarekin ariko da Jethro Tull.
JETHRO TULL
Garai bateko rock progresiboa, gaur
Non: Kursaaleko auditoriumean, Donostian. Noiz: Ostegunean, 19:30ean.
Iruzkinak
Ez dago iruzkinik
Ordenatu