Musika. ZETAK

Itzuleraren ederrari kantuan

Noiz: Martxoaren 19an eta 20an, 19:00etan. Non: Donostiako Kursaalen.

2021eko martxoak 14

Vendetta taldeko kide ohi Pello Reparazen (Arbizu, Nafarroa, 1990) proiektu elektroniko berria da Zetak. Ez horren berria jada: duela bi urte eman zuen estreinako diskoa, Zetak (DeepSoda), hainbat sintetizadorerekin eta soinu ilunekin ondua. Urtebetera, ordea, bestelako tonu bateko lana eman du Reparazek, eta pandemiari edo, zehatzago, pandemia amaitzen den uneari erreferentzia zuzena egiten dion kantuak eman dio izena: Zeinen ederra izango den (Oso Polita/Panda).

Sei kantuko disko laburra da, eta harrera beroa egin diote zaleek. Horren erakusle da Donostiako Kursaalean hurrengo asteburuan taldeak emango duen kontzertu bikoitza. Eusko Jaurlaritzak aste honen hasieran onartutako dekretu berriak, gainera, gehienezko edukiera 600 eserlekura handitzeko baimena eman du, eta beste 400 sarrera jarri ditu salgai Kursaal Eszenak; 200 ostiralerako, eta 200 larunbaterako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut