Jaurlaritzak euskaltegien lana babestu du

Arabako, Bizkaiko eta Gipuzkoako euskaltegietako matrikulazio kanpaina aurkeztu dute. Euskara, mundu oso bat doan du goiburu, eta doakotasunaren ideia nabarmentzen du: gaindituz gero, ikasleek doan izango dituzte B2 maila lortu arteko ikasketak. Jaurlaritzako eledun Bingen Zupiriak euskaltegien lana txalotu du, eta haiekin duten «konpromisoa» berretsi du. Aurten, Jaurlaritzak %16 igoko du euskaltegi pribatuei eta herri ekimenekoei bideratutako dirua.