Albistea entzun

KRITIKA. Opera

Grina dirdiratsua

Jesus Mari Begoña -

2016ko otsailak 26

'Manon Lescaut'

Abeslariak: Ainhoa Arteta, Gregory Kunde, Manuel Lanza, Stefano Palatxi, Marife Nogales. Abesbatza: Bilboko Opera Koroa. Eszena zuzendaria: Stephen Medcalf. Musika zuzendaria: Pedro Halffter. Musikariak: Euskadiko Orkestra Sinfonikoa.Lekua: Euskalduna Jauregia. Bilbo. Eguna: Otsailaren 23an.

OLBEren eskutik, operaren jarduera zirraragarria eskaini zigun asteartean Parmako Regio antzokiaren ekoizpenak Pucciniren Manon Lescaut antzeztean. Izan ere, bikote protagonistak bikain abesteaz gain, pareko maila erakutsi baitzuen gure Euskadiko Orkestrak Pedro Halffterren regia-pean. Zer esanik ez, Ainhoa Artetari oso ondo datorkio maitasunezko drama handia aktore moduan, eta biribildu egin zuen Manonen rola samurtasunez eta grinaz. Abesteari dagokionez, liriko-spinto baten ahots boteretsua igorri zuen; erdiko ahotsean zabal aritu zen, uhin zabaleko vibrato beheranzkoarekin, indartsu aieneetan, goxo pianissimo-etan, messa di voce-ak menperatuz…

Gregory Kunde dotore egon zen Renato Des Grieux maitalearen rolean: bikain goi tesituran, indar beteriko kantu etenarekin…benetan gozamena! Aldiz, Manuel Lanzak, baritonoaren lanetan, ahots polita azaldu bazuen ere eta kantuaren lerroan ontasuna erakutsi ere, orkestra bere gainetik entzuten zen lehenengo ekitaldian. Stephano Palatxik ondo antzeztu eta abestu zuen Geronte de Ravoir zaharraren rola. Marife Nogales mezzoak gustuarekin eta musikaltasunarekin eder abestu zuen Madrigala izeneko zatia. Gainontzeko abeslariek egoki antzeztu eta ondo abestu zituzten haien particela txikiagoak: hots, Manuel de Diego tenorrak, Gexan Etxabe baritonoak, Dabid Aguayo baxuak eta Eduardo Ituarte tenorrak. Bilboko Operako korukideek aldiz, orokorrean ondo abestu arren, pixka bat barreiatuak egon ziren kantu mailan hasierako eszena koralean eta bateratuagoak, aldiz, portuko eszenan.

Musikagintzaren arloan, Pedro Halffter zuzendariak jakinduriaz irakurri zuen Pucciniren partitura: boteretsu bakarrenetan, delikatu barrokoaren parodia egiterakoan, ondo nabarmenduz leitmotivak eta abeslarien esaldiak... Bere eskuetan Euskadiko Orkestra Sinfonikoak bikain interpretatu zuen obra.

Stephen Melcalfen eszenaratzeak bi ikuspuntutatik jokatu nahi izan zuen: alde batetik, istorioari urruntasuna emanez, De Grieux eszenatik kanpo jarri zuen, ikusle objektiboa balitz bezala, mapak eta testuak gaineratuz. Bestetik, drama subjektiboan sartu nahi izan zuen bikotea grinazko eszenetan. Hasierako eszena korala errealismoari gehiago lotuta egon zen, Fragonar pintoreari hurbilduz, eta gainontzekoetan, minimal sistemara hurbildu zen bikotearen pasiotik at eszena hustuz. Horretan arazo akustikoak asmatu genituen…

Asko gustatu zitzaigun Artetaren karakterizazioa eta pertsonaia guztien sasoiko arropak bai jauntxoen kasuetan bai burgesen pertsonaietan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Aitor Fenandino eta Mikel Losada aktoreak, 'Bake lehorra antzezlaneko eszena batean ©Monika del Valle/Foku

Karlistaldian kokatutako gerrei buruzko antzezlana sortu du Patxo Telleriak

Iñigo Astiz

Zehazki, 1872ko karlisten eta liberalen arteko Zornotzako bake ituna hartu du abiapuntu antzerkigileak, baina kasu zehatzetik harago, bakeari eta gerrari buruz gogoeta egiten duen obra bat sortu du: 'Bake lehorra'. Astelehenean estreinatuko dute euskaraz

Saria jaso duten musikariak, gaur, BECeko ekitaldian. ©Marisol Ramirez / Foku

Hamar artista eta talderen lana aitortu dute Musika Bulegoaren VI. Sarietan

Ainhoa Sarasola

Olatz Salvador, Chill Mafia, Gaur, Ether Ensemble, Maite Larburu, Ramon Lazkano, Verde Prato, Amak, Trio Zukan eta Motxila 21 taldeak saritu dituzte aurten, Barakaldoko BECen eginiko galan.

Led Silhouette dantza konpainiako Martxel Rodriguez eta Jon Lopez kideak. ©IÑIGO URIZ / FOKU

Erriberriko antzerki jaialdiak inklusibotasuna izanen du ardatz

Yasmine Khris

Uztailaren 15etik 31ra egingo dute antzerki klasikoaren jaialdia. Espazio «paritario eta feminista» baten alde egin dute apustua aurten

Ezker-eskuin, Arantxa Arzamendi, Mari Jose Telleria, Pello Leiñena, Aizpea Otaegi eta Andoni Iturbe. ©ERESBIL FUNDAZIOA

Musikastek «euskal musikaren hiriburua» batuko du 50. urtez

Miren Mujika Telleria

Bihar hasiko da Musikaste, Errenterian, maiatzaren 28ra bitarte. «Urrezko ezteiak» ospatuko dituzte aurten; izan ere, 50 urte bete ditu jaialdiak. Hamar emanaldi egingo dituzte, askotariko doinuekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...