Albistea entzun

Koronabirusa. ZIENTZIA PENTSALDIAN

Txertatu, txertatu eta txertatu

Gorka Orive - EHUko Farmazia irakaslea

2021eko urtarrilak 15

Itxaropenez hasi dugu 2021. urtea: gure artean daukagu COVID-19aren aurkako lehen txertoa. Pfizerren RNAm txertoa mugarri izan da historian, hiru arrazoirengatik: COVID-19aren aurka eraginkorra eta segurua dela erakutsi duen lehen txertoa da; zientziaren historia osoan azkarren garatutakoa da; eta RNA mezulariaren teknologia aitzindaria darabilen lehena da. Gainera, hilabeteko lehen egunek beste pare bat albiste on ere ekarri dituzte. Hasteko, Sendagaien Europako Agentziak (EMA) oniritzia eman dio Modernaren txertoari: RNAm motako bigarren txertoa da; %94 baino gehiagoko eraginkortasuna du 65 urtetik beherakoetan, eta %86 ingurukoa 65 urtetik gorakoetan. Txerto horrek, aurretiaz bildu diren datuen arabera, eragotziko bide du txertatuek COVID-19 larria izatea. Horrez gain, iragarri dute hilabete honen bukaeran Oxford/AstraZenecaren txertoa onartuko dela, txinpantzeen bektore adenobiral batean oinarritua. Hori gutxi balitz bezala, espero da otsailean Johnson & Johnsonen txerto adenobirala ere onartzea, eta baliteke apirilerako iristea horren dosiak.

Baikortasunezko eta ilusiozko giro horretan, ordea, ezinegona da nagusi: kezka, eta, batzuetan, ulertu ezina. Abenduaren 27an, txertaketa «sinbolikoa» hasi zen egunean, kronometro kolektibo bat jarri zen martxan, eta gure inguruko txertaketa prozesuaren erritmoa neurtzen du, egunez egun. Etengabe aipatzen da udaberrirako eta udarako zenbat jende txertatzea espero den, eta horrek itxaropen giro bat sortu du, baina hori ez dator bat kanpainaren hasiera epelarekin. Autonomia erkidegoetako txertaketa prozesuen arteko asimetriak ere zalantza piztu die herritarrei, ohartu baitira toki batzuetan ia dosi guztiak erabili direla, eta beste batzuetan, berriz, ia hasi gabeak direla.

Nik, apalki, uste dut beharrezkoa dela komunikazioa sendotzea eta gardentasuna bultzatzea COVID-19aren aurkako txertaketa prozesu historiko eta masiboan. Horretarako, lagungarria izan liteke plan zehatz eta publiko batean biltzea astero zer helburu dituen Euskadin txertaketak. Ez al litzateke komenigarria astero eta hilero helburu batzuk finkatzea, herritarrek jakin dezaten astetik astera zer lortu nahi den eta zer lortu den?

Txerto gehiago iritsi ahala, plan hori eguneratu egingo litzateke, eta, hala, herritarrak lasaiago egongo lirateke. Azken batean, behar-beharrezkoa da, batetik, txertaketa prozesua koipeztatzea eta datozen asteetan abiadura etengabe batean aritzea, eta, bestetik, lortu beharreko helburu eta erronken berri ematea herritarrei.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Barakaldon eraso matxisten aurka egindako elkarretaratze bat, aurtengo martxoan. ©MARISOL RAMIREZ / FOKU

Gizon bat espetxeratu dute, neska lagun ohia hiltzen saiatzea egotzita

Jon O. Urain - Maddi Ane Txoperena Iribarren

Labanaz eraso dio andreari, eta emakumea larri dago, Gurutzetako ospitalean. Basauriko kartzelan sartu dute gizona. Mugimendu feministak elkarretaratzera deitu du gaur arratsalderako Barakaldon

Osasun zentro bateko sarrera, artxiboko irudi batean. ©MAIALEN ANDRES / FOKU

Bere burua hiltzen saiatu direnen arreta hobetzeko prozedura, abian

Oihane Puertas Ramirez

Oraintsuko Suizidio Ahaleginaren Kodea Osakidetzako sare osoan dago erabilgarri
LABeko suhiltzaileen atalaren prentsaurrekoa, atzo, Iruñean. ©IDOIA ZABALETA / FOKU

LABek Nafarroako Barne zuzendariaren dimisioa eskatu du

Joxerra Senar

Sindikatuak salatu du urteetako gabeziak «inoiz baino nabarmenago» geratu direla, eta ez dela egon ez aurreikuspenik, ez alerta gaitasunik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...