HITZ ETZANAK

Mugitu

Andoni Egaña -

2019ko urtarrilak 13
Badut adiskide bat mundua gehien oilasko eta haragi-xerren inguruan aldatu dela dioena. Lehen, eguneroko martxan oso ohikoa omen zen haragi-xerra, eta igande edo jaiegunetako kontua soilik oilaskoa. Gero, norbaiti bururatu omen zitzaion oilasko bularkiak xerratzea, eta orain, urte gutxian, oilaskoa eguneroko jaki eta haragi-xerra noizbehinkako bihurtu direla dio.

Egunkari hau edadetuek «bahitu» zuten atzo. Lehen hiru-lau orrialdetan pentsioari buruzko eskakizun funtsezkoak eman zizkiguten aditzera; azkenengo bietan adineko izateko modu desberdinez aritu zitzaizkigun. Lanaz ari ziren lehen orrialdeetan; aisialdiaz azkenengoetan. Eta egia da ziotena. Orain urteek baino garrantzi handiago dute nortasunak eta bizimoduak. Oilaskoak platerean hartu duen lekua hartu dute kirol oinetakoek adinekoen hanketan, gizonezko nahiz emakumezkoenetan. Badakite zer nahi duten eta badakite non-nola egin. Denborari joaten uzte hutsa baino askoz ere aberatsagoa da egungo edadetuen aisialdia. Baina… herren egingo dute itxurazko baldintzarik ezean.

Horrelako arazorik ez zuen aspaldi hartan ezagutu nuen aitona hark. Etsipenik gabe eta harro bota zidan: «Gaztaro luzea izan dugunok zahartzaro laburra izaten diagu». Kontsolagarri zait.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna