El conquistador del Caribe-ren sortzaileak antzeko programa bat prestatzen ari dira ETB1erako, Karibeko herrialde batean. Naufragoak izango du izena, eta irailetik aurrera eskainiko dute programa. Reality show-aren aurkezleen izenak jakinarazi dituzte: Lur Errekondo eta Iñigo Vicens. Parte hartzaileak bikoteka lehiatuko dira.
Lur Errekondo Usurbilgoa da (Gipuzkoa), eskubaloi jokalari ohia: Bera Beran jokatu zuen, harik eta belauneko lesio batek eskubaloia uztera behartu zuen arte. Kirola egiten jarraitu du, hala ere. Harri jasotzen ari da gaur egun.
Iñigo Vicens Ondarroakoa da (Bizkaia). Prestatzaile fisikoa da, crossfit eta entrenamendu funtzionaletan aditua. Eskarmentua du telebistan: ETB1eko Adinberri saioa aurkezten du.
Errekondo eta Vicens ETB1eko Karibeko 'reality'-aren aurkezle
Iruzkinak
Ez dago iruzkinik
Ordenatu
