Albistea entzun

Euskal presoak. Abokatuen aurkako polizia operazioa

Epaileak jarritako baldintzek delitua sustatzen dute, abokatuen hitzetan

Diru kontuak blokeatzeak lan gardena eragozten duela diote.

Helegiteak aurkezten ari dira
Astelehenean atxilotutako hamabi abokatuak, atzo. Kepa Manzisidor eta Onintza Ostolaza —erdiko biak— aritu ziren guztien izenean.
Astelehenean atxilotutako hamabi abokatuak, atzo. Kepa Manzisidor eta Onintza Ostolaza —erdiko biak— aritu ziren guztien izenean. LUIS JAUREGIALTZO / ARGAZKI PRESS

Aitziber Laskibar Lizarribar -

2015eko urtarrilak 20 - Bilbo

Aurreko astean atxilotutako hamabi abokatuek gogor salatu dute euren aurkako operazioa. Egin behar ez ziren atxiloketak egin zituztela salatu dute. Miaketetan irregulartasunak izan direla. Eta askatu bai, baina epaileak jarritako baldintzek defentsarako eskubidea urratzen dutela. Praktikan, abokatuei ezinezko egiten ari zaiela defentsa lanean jardutea. Adierazi dute eurek ez dutela bezero dituzten presoak laguntzarik gabe uzteko inolako asmorik, haien eskubideekiko konpromisoa hartua dutela baina ez dakite nola jokatu. Epaileak jarritako baldintzek delitua egitera bultzatzen dituela ohartarazi dute: «Epailea delitua probokatzen ari da; egotzi digun delitua egitera bultzatzen».

Delitu ekonomikoari bultza

Delitu ekonomikoa egotzita inputatu ditu Eloy Velasco epaileak, iruzur egitea eta ogasunaren aurkako delitua egitea leporatuta. Abokatuek diote ez dutela halakorik egin diote, baina epaileak diru kontu guztiak blokeatu dizkie; bai pertsonalak, bai abokatuen bulegoetakoak. «Guk lan egiten dugun auzitegia Madrilen dago; gure bezero gehienak sakabanatuta daude, eta gure lana egiteko urrutira joan behar izaten dugu». Kontu korronteak blokeatuta, sosik gabe utzi dituzte. Lan egiteko, ordainketak eta kobrantzak modu irregularrean egin behar lituzkete, eta diruaren kudeaketa ilunean aritu. Eta adierazi dute ez dutela hala jardun nahi.

Presoei egin beharreko bisitak murrizteak ere mugatzen die eguneroko lana. Jaso duten debekua praktikan nola gauzatuko den oraindik ez badakite ere, seguru daude defentsarako eskubidea urratzen duela.

Horiek horrela, abokatuak helegiteak aurkezten ari dira Espainiako Auzitegi Nazionaleko Gobernu Salan eta Presidentetzan. Era berean, babes bila ari dira abokatuen elkargoetan.

Operazioaren izaera bera ere salatu dute abokatuek. Oinarri juridikorik gabeko operazio «politiko eta mediatikoa» salatu dute. «Presoen inkomunikazio juridikoa, politikoa eta soziala izan du helburu», ohartarazi dute. Eta, hartarako, irregulartasun asko egin dituztela.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Eba Blanco (erdian), azaroko biltzarrean, idazkari nagusi izendatua izan ondoren. ©JAVIER ZORRILLA / EFE

EAren primarioak errepikatzeko aginduaren aurkako helegiteak aztertuko dituzte

Xabier Martin

Espainiako Auzitegi Gorenak EAren eskaera tramitera onartu du, eta alderdiaren primarioak errepikatzea agindu zuen probintzia auzitegiaren epaia balekoa den ala ez erabakiko du.

Donostiako Renferen geltokia. ©GORKA RUBIO / FOKU

Beste geltoki bat aldiriko trenen transferentziaren lokarria askatzeko

Xabier Martin

Laster egingo dute Gasteizek eta Madrilek aldiriko trenen eskuduntza gerturatuko lukeen bilera

Senpereko herriko etxeko oposizioak ere dimititu egin du

Senpereko herriko etxeko oposizioak ere dimititu egin du

Arantxa Iraola

Urrian hautetsi hainbatek utzi zuten kargua, auzapezaren kudeaketa ereduarekin kritiko

Beatriz Artolazabal eta Ramiro Gonzalez, gaur, Gasteizen ©L. Rico / Efe

Gasteizerako proiektu «kontinuista eta berritzailea» gidatuko duela esan du Artolazabalek

Edurne Begiristain

EAJren Arabako Lurralde Batzarrak Arabako hiru barrutietarako hautagaiak berretsi ditu gaur. EH Bilduk oniritzia eman die Arabako zortzi udalerrietako zerrendaburuei, eta Ahal Dugu-k hiriburuetako hautagaiak aurkeztu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.