Albistea entzun

«Ekonomia, energia eta zaintza» dira Arabako foru gobernuaren erronkak

Edurne Begiristain -

2022ko irailak 20 - Gasteiz

Arabako Batzar Nagusietan politika orokorrari buruzko eztabaidaren lehen saioa egin zuten atzo, eta Ramiro Gonzalez ahaldun nagusiak azaldu zuen foru gobernuaren eta aurtengo aurrekontuen lehentasun nagusia «pertsonak eta enpresak babestea» izango dela, «batez ere enpresa txikiak». Azken hilabeteotan, COVID-19aren izurriaren eta Ukrainako gerraren ondorioek baldintzatuta jardun du gobernuak, eta ahaldun nagusiak esan zuen Arabak hiru eraldaketa behar dituela etorkizunerako: «Ekonomikoa, energiari eta klima aldaketari lotutakoa, eta zaintzaren esparruarena».

Zaintzari dagokionez, Gonzalezek iragarri zuen adinekoentzat ehun leku berri hitzartuko dituztela laster, eta urtarriletik aurrera Arabarren egoitza gune berria abiaraziko dutela —150 leku izango ditu adinekoentzat eta desgaitasun fisikoren bat dutenentzat. Horrekin batera, desgaitasun intelektuala dutenentzat bi egoitza berri eta eguneko zentro bat irekiko dituzte Arratzua-Ubarrundian, eta autismo nahasmendua dutenentzat beste zentro bat Laudion.

Krisi energetikoari buruz ere luze mintzatu zen ahaldun nagusia. Adierazi zuen lehentasunezkoa dela Arabaren mendekotasun energetikoa apaltzea eta «energia garbiak modu intentsiboan sortzeko proiektuak» bultzatzea. Gai horrekin lotuta, EH Bilduren «jarrera aldaketa» txalotu zuen, eta koalizioari eskatu zion ongi azaldu dezala energia berriztagarriei buruzko jarrera.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Etxerat-ek antolatutako mobilizazio bat, Donostian. ©JAGOBA MANTEROLA / FOKU

Salbuespena desmuntatzen hasi den urtea

Iosu Alberdi

Euskal presoen %68,5 Euskal Herriko espetxeetan daude, eta gradu progresioak jasotzen hasi dira. Foro Sozialak uste du azken urtean «aurrerapauso sendoak» eman direla

 ©RAUL BOGAJO / @FOKU

«Gure ereduaren oinarrietako bat da printzipio komunitarioa»

Iosu Alberdi

Urtebete igaro da Espainiako Gobernuak Arabako, Bizkaiko eta Gipuzkoako kartzelen kontrola Eusko Jaurlaritzaren esku utzi zuenetik. Estrategia berria fintzen ari diren arduradun nagusietako bat da Artetxe.

Belaunaldi baten azkena

Julen Aperribai

Txillardegi, Albisu, Gantzarain, Benito del Valle eta beste zenbaitekin batera Ekinen sortzaile izandakoa hil da, 93 urterekin. EGIrekin erabat hautsi, eta ETAren eratze batzarra egin zuen belaunaldi hark, 1958an.
Iñaki Larramendi, gaztetako irudi batean. ©Berria

Iñaki Larramendi hil da, ETAren sortzaileetako bat

Julen Aperribai

Ekinen sorreran ibili zen, Bilbon, Txillardegi, Albisu, Gantzarain, Benito del Valle eta beste zenbaitekin batera. EGIrekin erabat hautsi, eta ETAren eratze batzarra egin zuten 1958an, Deban.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...