Noiz sortua: 2019-09-17 00:30:00

Etxezarreta eta Alzola, kilometro bertikalen Euskal Herriko txapeldun

Intza-Ttutturre proban gailendu dira. Gizonetan, Muruak egin du denbora onena, baina ez dago federatuta

Unai Ugartemendia -

2019ko irailak 17

Iaz irabazle izan ziren Oihana Azkorbebeitiak eta Joseba Diazek badituzte jada ordezkoak: Maite Etxezarreta eta Iñigo Alzola. Biek ere denboraldi aldrebes xamarra zeramaten, lesio batzuen eraginez. Lehenak, Maite Etxezarretak, iaz ere parte zuen Intza-Ttutturreko kilometro bertikalean; besteak, Iñigo Alzolak, estreinakoz ekin zion lasterketari. Jokoan, Kilometro Bertikalen Euskal Herriko Txapelketa, Intzan (Nafarroa).

Iraila kilometro bertikalen hilabetea izaten da Euskal Herriko mendi lasterketen egutegian. Lehena, Intza-Ttutturrekoa (3,85 kilometro eta 963 metroko desnibel positiboa) ez da nolanahiko lasterketa. Malloak mendilerroren Araitz haranean jokatzen da, eta Ttutturreko gainera (1.282 metro) iristeko aldatz gogorrak dira horren lekuko.

Eguraldi bikainarekin ekin zioten irteeran elkartu ziren ia 150 korrikalariek lasterketari. 10:00etan hasita, hogei segundoko tartearekin, ilaran abiatu ziren denak txapelaren bila. Gizonezkoetan Iban Murua zen lasterketa irabazteko hautagai nagusia, azken urteetan kilometro bertikaletan nagusitu den korrikalaria. Elgoibartarrak ez zuen kontrariorik falta: besteak beste, Iñigo Alzola Euskal Selekzioko kidea, Mikel Beunza beteranoa eta Aitor Ugarte gaztea.

Baina Muruak ez zuen hutsik egin, eta 36 minutu eta 45 segundo nahikoak izan zituen lasterketa irabazteko. Atzetik, Iñigo Alzola (37.42) eta Aitor Ugarte (37.53) sailkatu ziren, hurrenez hurren. Iban Murua irabazlea federatu gabe dagoenez, Euskal Herriko txapelak Alzolaren buruan amaitu zuen. Txapelketak Alzola, Ugarte eta Beunza izan zituen podiumean.

Zabaleta-Lendinez lehia

Iaz ere egin zuen Intza-Ttutturre lasterketa Etxezarreta azpeitiarrak. Ezagutzen zuen bidea, eta hori diziplina honetako lasterketetan ezinbestekoa izaten da garaipenaren bila joaten diren korrikalarientzat. Lehen urte erdian erakutsi zuen sasoia berriro ere itzultzeko bidean dela antzeman zen Ttutturreko maldetan. Bera zen lasterketa irabazteko faborito nagusia, eta irteera eman orduko bera izan zen une oro lehen postuan. Ttutturreko gainean 47.53 markatu zuen haren erlojuak.

Lehia estua izan zen bigarren postua lortzeko ahaleginean. Zortzi segundo besterik ez zen izan Maite Zabaletaren eta Ainhoa Lendinezen artean. Irabazlearengandik minutu erdira helmugaratu zen Zabaleta.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Zerga berriekin ordaindu nahi du hartuko duen zorra. Harrera beroa izan du hegoaldean, baina hotza iparraldean.

Manuel Castells Espainiako Unibertsitate ministroa, joan den astean, Diputatuen Kongresuan. ©Kiko Huesca / Efe

Unibertsitate tasak jaitsi beharko dituzte Hego Euskal Herriko administrazioek

Andoni Imaz

Castells Espainiako Unibertsitate ministroak adierazi du unibertsitateek finantziazio gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna