Albistea entzun

Kataluniako hauteskundeak. Biharamuna. IRITZIA

Ezkerrerantz egin du prozesuak

Gerard Pruna Colera - 'Tota la veritat' liburuaren koegilea

2021eko otsailak 16

Hasi zenetik lehenbizikoz, Kataluniako prozesua ezkerretik gidatuko dute. Esquerrak bloke independentistaren barruan izandako garaipena da albiste nagusia, Kataluniako hauteskundeek igande gauean mahai gainean jarritako titulu ugarien artean. Oriol Junquerasen aldekoak Generalitateko aginte zubira iritsi dira azkenean, Convergenciak edo haren uberan ibilitako alderdiek gidatutako gobernuei laguntzen aritu ondoren bederatzi urtean, eta mugimendu horrek eserleku batek soilik eragina makina bat ondorio du. Batetik, indartu egin du Esquerraren apustua: estatuarekiko talka leundu eta elkarrizketaren alde egitea, erreferendum itundua egitera behartzen ahalegintzeko indarrak bildu bitartean. Bestetik, ezkerrerantz makurtu ditu Kataluniako Gobernuaren politikak. Are gehiago, baldin eta kontuan hartzen badugu ERCren eta JxCren arteko batura ez dela iristen gehiengo absolutura Parlamentuan hiru eserleku falta zaizkio, eta aliatu posible hauek ageri zaizkiola zerumugan: CUP edo, bigarrenik, En Comu-Podem. PDeCAT desagertu izanak nahiz eta EAJ ahalegindu den hura hauspotzen kanpainaren azkenaldera gutxiengoan utzi du, argi eta garbi, zentro-eskuin independentista.

Hala, bada, Esquerra arduratuko da prozesu subiranistaren fase berri hau gidatzeaz, eta, horretarako, pilatutako indarraz baliatuko da: lehenbizikoz, botoen %50 baino gehiago bildu ditu independentismoak, eta Parlamentuan 74 diputatu lortu izanak asko sendotuko du mugimendua. Kopuru esanguratsua da, hein batean beste azalpen bat ere baduena: igandeko bozetako abstentzioa oso handia izatea. Ezin da alboratu, bestalde, botoen erdiak baino gehiago lortzeak dakarren mugarri hori gorabehera, independentismoak bidean galdu duela ia 700.000 lagunen babesa, eta oso urrun dagoela 2017an lorturiko bi milioi boto haietatik ere.

Jokalekua hori izanik eta Pedro Sanchezen Madrilgo gobernuaren egonkortasuna hein batean bere esku izateak ematen dion indarrak adoreturik, ERCko hautagai Pere Aragonesek ahaleginak egingo ditu gobernua nahitaez erreferendumaz negoziatzera behartzeko. Hala ere, Pedro Sanchez ere indartuta atera da hauteskundeotatik. Salvador Illaren alde egin izanak garaipen bat ekarri dio Katalunian, PSC ezin gailendurik baitzebilen 2003az geroztik. Fruiturik gabea izanagatik ere, Moncloak emaitza hori erabili egingo du, seguru asko, esan ahal izateko PSC dela katalanen hautu kutuna, eta, jakina, independentismoaren asmoak apaltzen ahalegintzeko erabiliko du.

Hala, beste jokaleku bat ireki da, hasieran behintzat, elkarrizketa mahaiaren inguruan ibiliko dena. Mahai hori lanabes bat da ia urtebete egin duena aurrerapenik gabe, baina igandeko emaitzek erdigunean jarri dute berriro. PSOE zenbateraino den ausarta, eta independentismoak nolako batasuna osa dezakeen barne zubiak berregitea du lehen zeregintzat, kanpainak areagotu baino ez baititu egin Esquerraren eta JxCren arteko desadostasunak: horren araberakoa izango da etorkizunean prozesua, oraintxe ezkerrerantz biratzen ari den honetan.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Vladimir Putin Errusiako presidentea, gaur, Moskun. ©EFE

Errusiak esan du «negoziatzeko prest» dagoela, bere interesak «bermatzeko»

Mikel Elkoroberezibar Beloki

Ukrainako armadak adierazi du bere tropetako 13.000 soldadu eta 6.000 zibil hil direla gerra hasi zenetik. Haur ugariri hezkuntzarako eskubidea urratu dietela salatu du NBEko batzorde batek.

Boliviar bat Silala ibaitik ura hartzen, Txileko mugatik gertu. ©MARTIN ALIPAZ / EFE

Boliviak esan du Hagako epaiak Silala ibaiko ubide artifizialak eraisteko aukera emango diola

Mikel O. Iribar

Nazioarteko Justizia Auzitegiak ebatzi du Silala ibaia «nazioartekoa» dela, eta Txileri eta Boliviari eskatu die elkarren arteko elkarrizketak «etengabekoak» izateko. Santiagok ez dio kalte ordainik eman beharko La Pazi.

Guardia Zibila, atzo, AEBek Madrilen duten enbaxadaren atarian. ©FERNANDO VILLAR / EFE

Espainiatik bidali dituzte gutun piroteknikoak, Poliziaren arabera

Uxue Rey Gorraiz - Gorka Berasategi Otamendi

Sanchezek, Roblesek eta Ukrainaren eta AEBen enbaxadek jaso dituzte, besteak beste

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...