Albistea entzun

Donostiako 67. Zinemaldia. KRITIKA. Horizontes Latinos

Egiaren bila

Cesar Diaz zinemagilearen <em>Nuestras madres</em> filmaren fotograma bat.
Cesar Diaz zinemagilearen Nuestras madres filmaren fotograma bat. DONOSTIAKO ZINEMALDIA Tamaina handiagoan ikusi

Uxue Arzelus -

2019ko irailak 27

'Nuestras madres'

Zuzendaria: Cesar Diaz. Herrialdea: Frantzia - Belgika - Guatemala. Iraupena: 77 minutu.

Ernestok Guatemalako gerra zibilean desagertu zirenen gorpuak bilatzen eta identifikatzen lan egiten du. Antropologoa da bera, eta milaka testigantzari jarraituz ateratzen ditu hobitik gorpuak, aztertu eta izen eta abizenak jartzeko. Emakume bat bere senarra erail zuteneko gertaerak kontatzera joaten da Ernestorengana, dagoen zelaitik atera eta hilerri batean lurperatu nahi du eta. Kontakizunean zehar bere aita izan litekeen gerrillari baten deskribapena entzun, eta Ernestok emakumearen herrian egon daitezkeen aztarnei jarraitzea erabakitzen du.

Mina, oroimena eta justizia lantzen ditu Cesar Diazek bere lehen film luzean. Herri baten historia arnasten du filmak, aurrera egin ahal izateko eman behar diren pausoak ematen ari den herri batena. Eta bertan daude amak. Haien amak. Maite zuten jendea galdu zuten amak. Haserre dauden amak. Oroitzen diren amak. Justizia nahi duten amak. Eta ama horien guztien artean dago Ernesto. Ogibidea ama horiek guztiak laguntzea duen gaztea, eta bere ama laguntzeko zailtasunak dituena.

Kontatu beharreko istorioa da Cesar Diazena. Argia ikusi behar duen historia zatia. Eta eszena eta une handiak oparitzen dizkigu zuzendari guatemalarrak. Baina kontatzen dutena benetan bizi izan zuten emakumeek duten indar hori diluitu egiten da protagonistaren istorioan, eta transmititzen duten egia istorio lauegi batean ahultzen doa. Pena da, baina abiapuntu interesgarria duen film honi fikzioak mesederik egiten ez diola iruditu zait.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Harry Potterren sortaren lehen liburua, Londresko liburu denda batean. / ©Claudia Sacrest, EFE

Harry Potterrek 25 urte beteko ditu bihar

Jon OrdoƱez Garmendia

J. K. Rowlingek 1997ko ekainaren 26an argitaratu zuen Harry Potter eta Sorgin Harria-ren ingelesezko edizioa.

<b><em>Simone Veil <em>pastoraleko mustraka bat; 95 arizale aste hondar guziez elkartzen dira.</em> </em></b> ©SEVERINE DABADIE

Veil pastorala hasia da ate joka

Ainize Madariaga

Hiru emanaldi eginen ditu 'Simone Veil' pastoralak Muskildin: uztailaren 24an eta 31n, eta agorrilaren 6an. Bostehun lagunendako bazkaria prestatuko dute ikastolek egunotan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...