Literatura. 'Sano erradikal'

Etorri gaitun, segi dezagun

Egilea: Isa Diaz. Argitaletxea: Alberdania.

Aiora Sampedro -

2020ko urriak 18

Googlen egunotan haren izena bilatuz gero, Madrilgo Autonomia Erkidegoko presidentearen inguruko albisteak itzuliko dizkizu bilatzaileak etengabe, baina, sakonago begiratuz gero, hogeitaka urteko literatur ibilbidea duen Isabel Diaz idazle arabarrak jasotako sarien inguruko informazioa ere bilatu dezake googleatzaileak. Jakina da sariak ez direla euskal literatur esparruaren barnean oso maitatuak, eta agian horregatik ez da idazle sarituen aipamen askorik egin nahi izaten (Mykel Ayllon arabarrak «nahiago nuke lehiaketetan parte ez hartu eta liburuak zuzenean argitaratzeko aukera izan» zioen asteon, Donostia Kutxa Saria eta Ramiro Pinilla saria jasotzearekin batera); hala ere, bereziki poesiaren alorrean ugari dira lehiaketen ondoren argitaratzen diren liburuak. Aukera hori baliatu du Diazek bere olerkigintza argitaratzeko. Antzematen denez, egilearen lehen bi poesia-liburuak sariketen bidez argitaratuak izan ziren: Ura badoa maldan behera (1996) Ernestina de Champourcin V. Poesia Sariketa irabazi zuen lan honi esker; eta Ontzi iluna (1999), XXIX. Irun Hiria Literatur Sariaren irabazle izan zen. Hartara, idazle ezaguna da poesiaren bueltan dabiltzan editoreentzat: Santiagon argitaratutako A ponte das palabras, Poesía Vasca 1990-2000. Hitzezko Zubia, euskal poesia 1990-2000 antologian parte hartu du. Zurgai poesia aldizkariak ere argitaratu ditu bere poemak. Hain zuzen, horregatik guztiagatik da Diazena poesiaren alorrean Alberdania argitaletxeak azken aldian argitaratu duen poesia lan bakarra.

Ikasturtea poesia lan batekin hasteko, ez da aukera txarra Sano erradikal liburua. Egileak esoterismoaren itzala iradokitzen du, sorginen indarra baliatuz, mundu garaikidea iraultzeko. Preseski, hala nabarmentzen du Jorge Giménez Bech Alberdaniako editoreak: «Aldarria artearen mailara eraman du». Izan ere, sorginen festarako deia gogorarazten dute lan honetako zenbait poemak, ia konjuruen eran errezitatzeko pentsatuak dirudite: «Deserakitzen kitzen-kitzen-kitzen, desprintzesatzen satzen-satzen-satzen». Baina, kasu honetan, barren grinetatik ateratako deiadarrak badu, baita ere, etsipen puntu bat: idazleari antzematen zaio galtzen ari dela dirudien gerra batekiko ardura. Hortik dator, nire ustez, editorearen hitzen egokitasuna; artea egiteko, zauriak igurtzi behar baitira; mugitu egin behar da, norbera eta hartzailea. Eta borroka, noski, mundu parekide bateranzko guda feministarekin lotzen da hemen, egileak dagoeneko eman duen pausu bat ematera gonbidatzen dituelarik irakurleak. Testua egituratzen duten hainbat izenburuk argi uzten duten bezala: Aizan Virginia edo Nintzendu naiz, Aupa ahizpak! eta Gizon berriaren panegirikoa.

Antzekoa interpretatu du azaleko irudiaren egile Gema Arrugaetak, orbel umel bat sutan jarri baitu liburuaren azalean, eta, baiki, lan honetatik ez da irakurlea (ezta idazlea ere) osorik aterako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Ezker-eskuin, Idoia Hernandez, Eneritz Dueso, Miren Narbaiza eta Olatz Salvador, Musikari elkartearen zuzendaritza berriko kideetako lau, gaur goizean, Donostian. ©Andoni Canellada / Foku

Zazpi emakume musikarik hartu dute Musikariren gidaritza

Itziar Ugarte Irizar

Izaro Andresek, Eneritz Duesok, Garazi Esnaolak, Idoia Hernandezek, Lide Hernandok, Miren Narbaizak eta Olatz Salvadorrek berritu dute elkartearen zuzendaritza. Sektorean bizi den prekaritatea ikusirik, «elkartzeko eta mugitzen hasteko» arrazoi nahikoa dituztela adierazi dute, eta Musikari horretarako tresna izatea nahi dute.

Pasa den asteburuko saioa. ©Guillaume Fauveau

Xilaba bertsolari txapelketa eten behar izan dute

Joana Ibargarai

Atzo mintzatu zen Emmanuel Macron Frantziako presidentea, eta konfinatzeko neurriak iragarri zituen.  Neurri horien harira, Xilaba txapelketak etenaldia egin behar du. 

Bingen Zupiria Kultura eta Hizkuntza politikako sailburua, atzo, Eusko Legebiltzarrean. ©RAUL BOGAJO / FOKU

Kultur langileen estatutu bat eratu nahi du Eusko Jaurlaritzak

Aitor Biain

Zupiriak kultur sektorea profesionalizatzea jarri du legealdiko helburutzat. 'Euskariana' Euskal Kulturaren Atari Digitala ere sortuko dute, digitalizazioan sakontzeko tresna gisa

Gose greba bertan behera utzi dutela esateko antolatutako prentsaurekoa ©Raug Bogajo/Foku

Bertan behera utzi dute Iruña-Veleian proba gehiago eskatzeko gose greba, 99 egunen ostean

Iñigo Astiz

Arabako Foru Aldundiak aztarnategiarentzako hurrengo urteetarako plana diseinatzeko prozesua jarriko du abian, eta Jose Mari Lejardik kultur diputatuarekin izandako bilkuraren ostean hartu du protesta eteteko erabakia

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna