DBHko irakasleak, etsaminetan

Eusko Jaurlaritzak eta Nafarroako Gobernuak DBHko irakasleen kidegorako egindako lan eskaintza publikoko lehen azterketak egin zituzten atzo. Barakaldoko (Bizkaia) BEC erakustazokan 3.401 lagun elkartu ziren 08:00etan, azterketa egiteko. 1.337 postu eskaini ditu Hezkuntza Sailak, Araba, Bizkai eta Gipuzkoan DBHko eta Lanbide Heziketako irakasle izateko. Iruñean, goizago hasi zen lehia: 07:30ean izan zituzten lehen azterketak, Iturrama eta Navarro Villoslada eskoletan. Hezkuntza Departamentuak 325 postu eskaini ditu; espero baino gehiago, hilaren 7an kopurua handitzea erabaki baitzuen. 2.291 lagunek egin dute azterketa.