'Abdication... For Your Love'

Memphis hiriko Greg Cartwrightek zuzendutako taldeak bost kantu grabatu zituen 2011n, Toyota Scion markako autoa sustatzeko helburuarekin. Abestiok Black Keys taldeko Dan Auerbach musikari ospetsuak ekoitzi zituen, zortzi pistako mahai batean. Bost horiei 2009ko Love and Curses diskorako grabatu baina plazaratu ez ziren hiru gehitu zitzaizkien, zortzi doinuko disko fisikoa osatu arte, baina aipatu autorearen publizitate-kanpainaren barruan baino ez zen plazaratu. Horren ondorioz, ezinezkoa zen eskuratzea. Bada, Merge zigiluak oraintsu berrargitaratu du, eta ez dirudi txatalekin jositako obra, kontrakoa baizik: Cartwright maisuaren beste rock obra irmo eta sentibera bat.