'Shiny and Oh So Bright, Vol. 1 Lp No Past. No Future. No Sun'

Esperoan geunden Smashing Pumpkins zaleok jatorrizko taldekideak elkartu eta disko berri bat aterako zutela iragarri zutenetik. Baina Shiny and Oh So Bright, Vol. 1 Lp No Past. No Future. No Sun ez da espero zena izan, abesti txukun batzuk izan arren ez baita lehengo taldearen mailara iristen. Garaiak aldatu dira, eta noski, baita taldekideak ere. Horregatik, 90eko hamarkadan argitaratutako diskoekin alderatzen badugu, oso arrotz zaigu lana, orduko talde ilun hura eta gitarra zorrotzak ez baitira ageri. Popa da nagusi honakoan, betiko Billy Corganen ahots bereziaz lagundurik, eta Smashing Pumpkins berri batzuen soinua dute, taldekide zaharrak itzuli diren arren garai berrietara egokitu direla erakutsiz.