Musika. The Night Times

'Here We Go'

Diskoetxea: Outro Records.

Julen Azpitarte -

2019ko maiatzak 12
Los Angeles hiriko seikoteak hankaz gora jarri du nazioarteko garage-rock eszena, estilo horretako talde batek hautsak harrotzeko eduki behar dituen bertute guztiak biltzen baititu: 1960ko hamarkadako teen-punk espiritu amateurraren amorrua, fuzz gitarrak, oihu lunatikoak, azido lisergikoan bustitako pasarteak, farfisa teklatuek eragindako linea kiriotsuak, melodia dantzagarriak, rhythm and blues beltza, beat kutsakorra, kopeta-ile nabarmenak eta garage-rockean lizentziatuak izateko nahikoa ikasketak: The Sonics-en punk aldarria, 1980ko hamarkadako revivalean loratutako taldeen ondarea, tartean, Gruesomes kanadarrena, eta dozena bat doinu oldarkor bezain itsaskor. Festa oro berotzeko soinu banda basatia da.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna