Albistea entzun

'Mantangorri' zaleen juntadizoa

BERRIAk gaztetxoen gehigarriaren 1.000. zenbakia argitaratuko du maiatzaren 28an. Hori ospatzeko, jaialdi berezi bat antolatu dute egun horretarako, Hernaniko Txillida Lekun. Sarrerak webgunean har daitezke, gaurtik.
<em>Mantangorri</em> haur eta gaztetxoen gehigarriaren azken zenbakiak.
Mantangorri haur eta gaztetxoen gehigarriaren azken zenbakiak. BERRIA Tamaina handiagoan ikusi

Enekoitz Telleria Sarriegi -

2022ko maiatzak 14

Ez da katerik eten, eta estutzea da helburua. 2003an hasi zen BERRIA gaztetxoen gehigarria Mantangorri izenarekin argitaratzen —Xingola zuen izena Euskaldunon Egunkaria-ren garaian—, eta 1.000. zenbakira iritsi da orain. Maiatzaren 28an beteko du zenbaki biribila, eta jaialdi berezi batekin ospatuko dute lorpena: Hernaniko (Gipuzkoa) Txillida Lekun egingo dute ospakizuna, aitortza eta aurkezpena. Mantangorri zaleen ospakizuna, urte hauetan guztietan haren inguruan sortu den komunitatearen aitortza, eta ezagutzen ez dutenentzako aurkezpena. Izan ere, hizkuntza ohiturak eta irakurzaletasuna sustatzeko tresna izan da Mantangorri etxe askotan. Gurasoen bidez euren zorion agurrak bidaltzen zituzten haur haiek 20 urtetik gora dituzte orain. Badago Mantangorri belaunaldi bat osoa, eta horien guztien eta kide berrien juntadizoa da hilaren 28an egin nahi dutena.

Askotarikoa da eskaintza: ipuin kontalariak, ilustratzaileak, magoak... Sormenaren inguruan josi nahi izan dute eguna antolatzaileek, eta Txillida Lekuk eman die horretarako parada eta tokia.

Tokiak mugatuak dira, ekitaldietarako prestatu dituzten eremuek edukiera muga baitute. BERRIAlagunek doan izango dute sarrera —haur guztientzat izango da sarrera doan—, eta BERRIAlagunak ez diren 13 urtetik gorakoek 10 euro ordaindu beharko dute —heldu bakoitzak gehienez bi sarrera har ditzake, eta haurrentzat, nahi beste—. Antolatzaileek eskatu dute haurren sarrerak eskuratzean adin tartea zehazteko, eguneko egitaraua ahalik eta ondoen antolatzeko.

Sarrerak non? BERRIAren webgunean egongo dira eskuragai, gaurtik: www.berria.eus/berrialaguna/denda. Sarrerak hartu baina gero joaterik ez duenari garaiz jakinarazteko eskatu diote antolatzaileek, beste batzuei lekua utzi ahal izateko. Horrez gain, kanpotik jatekoa eraman daitekeela ere argitu dute, baina horretarako prestatutako eremuetan jan behar dela —egun osorako balioko dute sarrerek—. Eta museoak aparkalekua badaukan arren, garraio publikoa erabiltzen ahalegintzeko ere eskatu dute antolatzaileek.

Ekitaldirako sarrerak lortzeko: www.berria.eus/ berrialaguna/denda

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miren Jone Azurza, artxiboko irudi batean. ©Jon Urbe/ FOKU

Miren Jone Azurza kazetaria hil da, 92 urterekin

Berria

'Zeruko Argia' zuzendu zuen 1969 eta 1975 bitartean. Gero, 'Deia' egunkarian aritu zen lanean. 2011n Ohorezko Rikardo Arregi Saria jaso zuen, eta 2018an ohorezko euskaltzain izendatu zuen Euskaltzaindiak.

 ©JAIZKI FONTANEDA / FOKU

«Herriaren ondarea da auzolana, gizartea osasuntsuagoa izan dadin aberasgarria»

Amaia Ramirez de Okariz Kortabarria

Mozambiketik bueltan erabaki zuen Gabilondok gertuko zuen Garaioneko proiektua berriz hartzea. Sorkuntza, ondare soziala eta natura ditu ardatz, baina baita euskara eta feminismoa ere, zuzenki aipatu ez arren «halabeharrez» egon behar dutelako hor.
Emakume bat, Bilboko Konpartsek, atzo, Bilboko Plaza Barrian antolatutako Kapela Egunean. ©ARITZ LOIOLA / FOKU

Bilbok buruan darabilena

Iñigo Astiz

Aste Nagusia hasteko ehun egun baino gutxiago falta direla gogoratzeko Kapela Eguna antolatu dute Bilboko Konpartsek, eta atzerako kontagailu bat ere jarri dute Plaza Barrian.
Svenja Jung aktoreak bi rol jokatzen ditu telesailean: bi ahizpa biki protagonistena egiten du. ©COSMO

Cosmo kateak 'Der Palast' telesaila emango du bihartik aurrera

Urtzi Urkizu

Alemanian 6,23 milioi ikus-entzule izan ditu (%20,1). Crossover jaialdian lehen atala eman zuten

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...