Eskualdean «enpresak ixten» baino ez direla ari salatu dute Agoitzen

Siemens Gamesak Agoitzen duen lantegia ixteko erabakia salatzeko manifestazioa egin dute. «Konpromisoak» eskatu dizkiote gobernuari
Irati Bizirik taldeak atzo Agoitzen antolatutako protesta.
Irati Bizirik taldeak atzo Agoitzen antolatutako protesta. JAGOBA MANTEROLA / FOKU Tamaina handiagoan ikusi

Ane Eslava -

2020ko uztailak 26

239 langileren etorkizuna defendatzeko, baina baita eskualde oso batena ere: asmo horrekin atera ziren atzo kalera ehunka pertsona Agoitzen (Nafarroa), Siemens Gamesak herri horretan duen lantegia ixtearen aurkako manifestazioan. Irati Bizirik herri plataformak deitu zuen protestara.

Siemens Gamesako beharginek ekainaren 30ean jakin zuten enpresak lantegia ixteko asmoa zuela. Hasieratik salatu zuten erabakia «deslokalizazioa» dela, lantegiak ez baitu galerarik, eta hori bera azpimarratu zuten atzo ere: «Enpresak are diru gehiago irabazi nahi du, gure etorkizuna kontuan hartu gabe», adierazi zuen Ainara Lizarraga fabrikako langileak, industrialdetik abiatu eta herriaren erdiguneraino heldu zen martxaren amaieran.

Lizarragak gogorarazi zuen enpresak diru laguntza publiko asko jaso dituela hamar urteotan, eta orain Nafarroako Gobernuaren babesa «ezinbestekoa» izango dela itxiera eragozteko. «Ez dugu elkartasun faltsurik nahi, konpromisoak baizik».

Bide beretik, martxaren antolatzaileek gogorarazi zuten aurretik ere langabezia eta despopulazioa pairatzen ari den eremu bat joko duela itxierak. Eskualdeak urte luzez «promesa faltsuak» jaso izana salatu zuen Iñaki Itoizek, Irati Bizirik ekinbidearen izenean: «Enpresak itxi baino ez digute egin, eta gobernuak gutxi inplikatu dira».

Amaitzeko, langileek eta plataformako kideek nabarmendu zuten lanpostu horien aldeko borrokak bateratua izan behar duela: «Ahaleginak batuz gero, lortuko dugu eskualde honen etorkizuna ez dadila izan ezartzen saiatzen ari zaizkiguna», laburbildu zuen Itoizek. Hori dela eta, herritarren babesa eskatu zuten.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea terrazetan Bilbon, astelehenean. ©Aritz Loiola/FOKU

651 kasu atzeman dituzte Hego Euskal Herrian

Berria

Bizkaian kasu gehien atzeman diren eguna izan da: 402. Osasun Saila eta Bizkaiko Foru Aldundia arratsaldean bilduko dira egoera aztertzeko.

 ©JON URBE / FOKU

«02:00etan, festak ezin du segitu eremu pribatuetan»

Aitor Biain

Herritarren parte hartze handiagoa eskatu dute ostalariek, ardura guztia beren bizkar izan ez dadin. Ataka estuan direla ohartarazi dute, eta babes ekonomikoa galdegin diote administrazioari, helegitea onartu edo ez.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Osasun langileak PCR probak egitn Donostian, iragan astean. ©Gorka Rubio/FOKU

Getxoko Bikain tabernan izan zirenei proba egiteko eskatu die Jaurlaritzak

Berria

Abuztuaren 2tik 10era bertan egon zirenek egin beharko dute testa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna